સુરક્ષા સુધારણા બાદ પરિવાર અને બાળકો માટે આકર્ષણ ફરી ઉપલબ્ધ

સયાજીબાગમાં જોય ટ્રેન સેવા ફરી શરૂ થતા મુલાકાતીઓ ખુશ
વડોદરાના પ્રખ્યાત અને ઐતિહાસિક સયાજીબાગમાં જોય ટ્રેન સેવા ફરી શરૂ કરવામાં આવી છે. વડોદરા મહાનગરપાલિકાએ જાહેર કર્યું છે કે ટ્રેકની આસપાસ જરૂરી બેરીકેટિંગ, સલામતી સુધારણા અને જાળવણીના કામ પૂર્ણ થયા બાદ આ લોકપ્રિય સેવા ફરીથી મુલાકાતીઓ માટે ઉપલબ્ધ બનાવવામાં આવી છે.જોય ટ્રેન સયાજીબાગના મુખ્ય આકર્ષણોમાંથી એક ગણાય છે, જે ખાસ કરીને બાળકો અને પરિવારો માટે મનોરંજક અનુભવ પૂરું પાડે છે. લાંબા સમયથી બંધ રહેલી આ સેવા ફરી શરૂ થતા શહેરવાસીઓમાં આનંદનો માહોલ જોવા મળી રહ્યો છે.

નવા સલામતી ધોરણો અને સુવિધાઓ સાથે ટ્રેન સેવા શરૂ કરવામાં આવી છે જેથી તમામ મુલાકાતીઓને સુરક્ષિત અને સુખદ પ્રવાસનો અનુભવ મળી શકે.આ સેવા 24 એપ્રિલ 2026થી નિયમિત સમયપત્રક મુજબ શરૂ રહેશે. મહાનગરપાલિકાએ મુલાકાતીઓને વિનંતી કરી છે કે તેઓ નિર્ધારિત નિયમોનું પાલન કરે તેમજ બાગની સ્વચ્છતા અને શિસ્ત જાળવે. સાથે જ નાગરિકોને પરિવાર સાથે સયાજીબાગની આ સુવિધાનો લાભ લેવા આમંત્રણ આપવામાં આવ્યું છે.

Reporter: admin