હવે આ જ ઉમેદવારને તમારે જીતાડવાનો છે. વાદ વિવાદથી દૂર રહી, કોણ શું બોલે છે તેની ચિંતા નહીં કરતા. મારે કોઈના રોદણાં સાંભળવા નથી. સાંભળવાનો ટાઈમ પણ નથી." દાદા" એ વડોદરા આવીને કાર્યકર્તાઓને પાઠ ભણાવ્યા. કેટલાકની માનસિકતા ઠીક નહીં હોય માટે બોલ્યા હશે, તમારી માનસિકતા ઠીક રાખજો.
શિસ્તબદ્ધ પાર્ટીના એક પણ કાર્યકરે, પ્રતિક્રિયા આપવાની પણ હિંમત કરી નથી. નારાજ નેતાઓને ચૂપચાપ કામે લાગવાનું કહીને ગયા. જાહેરમાં કોઈની બોલવાની હિંમત નથી. એક માત્ર જ્યોતિબેન અને બેસ્ટ ધારાસભ્યનો એવોર્ડ મેળવનાર જીતુભાઈએ પાર્ટીની કાર્યશૈલીને લલકારી છે.
જીતુભાઈને પણ બંધ બારણે ચર્ચા કરાવી વાઇબ્રેટર મોડ ઉપર મુકાવી દીધા છે.
મોટાભાગનાં ડરના માર્યા, ડાહ્યા ડમરા થઈને કામે લાગી ગયા છે, કેટલાક દેખાવ કરી રહ્યા છે.
ચર્ચા એ છે કે સાંસદના ઉમેદવાર પૈકીના નારાજ નેતાઓએ હરાવ સમિતિનું ખાનગીમાં ગઠન કર્યું છે.
અંબુ-લંબુ જેવા કહેવાતા પ્રિપેઈડ કાર્યકર્તા, કયા નેતાને ઈશારે ચાલે છે તે જાહેર થઈ ચૂક્યું છે. જીતાડવાવાળા કરતા, હરાવવા વાળાની ટોળકી વધારે કાર્યરત છે.
Reporter:
