પોલીસને બાતમી હકીકત મળેલ કે, “અગાઉ ચોરીઓમાં પકડાયેલ ઇન્સાવલી સૈયદ જે એમ.પી.નો રહેવાસી છે , વડોદરામાં આવી ચોરીઓ કરે છે, તેની પાસે હાલમાં ચોરીનો સામાન છે, જે કડક બજાર થી ચાલતો રેલ્વે સ્ટેશનના પાછળના ભાગે જઇ રહેલ છે, તેણે શરીર ઉપર સફેદ રંગનુ શર્ટ તથા ભુરા રંગનુ પેન્ટ પહેરેલ છે, તેમજ તેણે પીઠના પાછળ સ્કુલ બેગ (સોલ્ડર બેગ) લટકાવેલ છે.” જે હકીકત આધારે વર્ણન મુજબના કપડા પહેરેલ અને સોલ્ડર બેગ લટકાવેલ એક ઇસમ પગપાળા ફરામજી કંપાઉન્ડ તરફ જતાં રોડ ઉપર જતો જણાય આવતા સદર ઇસમને ઝડપી પાડી તેની પાસેથી લોખંડનો સળીયો (ગણેશીયુ) તથા અન્ય મુદામાલ મળી આવતા કાયદેસરની કાર્યવાહી કરી વધુ તપાસ હાથ ધરી આગળની તપાસ અર્થે ગોરવા પોલીસ સ્ટેશનને સુપરત કરેલ છે. સયાજીગંજ વિસ્તારમાં હોટલોમાં રોકાણ કરી દિવસ દરમ્યાન અલગ અલગ સોસાયટીઓમાંથી ફરી બંધ મકાનના નકુચા તેમજ તાળી તોડી ઘરમાંથી કીંમતી ચીજવસ્તુઓની ચોરી કરે હતી .આ આરોપી મહારાષ્ટ્ર જીલ્લામાં ચોરીના ગુનાઓમા પકડાયેલ હોવાની હકીકત મળી આવેલ છે.

Reporter: News Plus