લીડ્સ: UKના લીડ્સ શહેરમાં ગત રાતે ભારે તોફાનો થયા. મોટી સંખ્યામાં લોકો શહેરની વચ્ચે ભેગા થઈ ગયા અને ઉત્પાત મચાવ્યો હતો.આ લોકોએ એક બસમાં આગ લગાવી દીધી.પોલીસની ગાડીઓ ઉપર પણ હુમલો કર્યો. 

સોશિયલ મીડિયા પર વાયરલ ઘટનાના વાયરલ વીડિયોમાં તોફાનીઓની ભીડમાં બાળકો પણ જોઈ શકાય છે. આ તોફાનોનું કારણ સ્થાનિક ચાઈલ્ડ કેર એજન્સી તરફથી બાળકોને તેમના માતાપિતાથી અલગ કરીને ચાઈલ્ડ કેર હોમમાં રાખવાનું કહેવાઈ રહ્યું છે. જેના વિરોધમાં લોકો રસ્તાઓ પર ઉતરી ગયા છે.વેસ્ટ યોર્કશાયર પોલીસનું કહેવું છે કે લીડ્સના હેયરહિલ્સ વિસ્તારની લક્ઝરી સ્ટ્રીટ પર ગુરુવારે સ્થાનિક સમય મુજબ પાંચ વાગે લોકોની ભીડ ભેગી થવાની શરૂ થઈ ગઈ હતી. જેમાં કેટલાક બાળકો પણ સામેલ હતા. પરંતુ જલદી ભીડ ઉગ્ર થઈ અને જોત જોતામાં તો તોફાનો થવા લાગ્યા. જો કે હજુ સુધી આ હુમલામાં કોઈ પણ વ્યક્તિના ઘાયલ થવાના સમાચાર નથી. 

સોશિયલ મીડિયામાં વાયરલ વીડિયોમાં જોઈ શકાય છે કે મોટી સંખ્યામાં લોકો પોલીસની કાર પર હુમલો કરી રહ્યા છે. ભીડ પોલીસ વેનને પલટતા જોવા મળે છે પરંતુ તે પહેલા તેની બારીના કાચ તોડી રહ્યા છે. એક વીડિયોમાં વ્યક્તિ બસને આગ લગાવતો જોવા મળે છે. જ્યારે કેટલાક લોકો કચરો ફેંકે છે. એક અન્ય વીડિયોમાં જોઈ શકાય છે કે કેટલાક લોકો એક મોટા ફ્રીઝને લાવીને રસ્તા પર મૂકી આગમાં ફેંકી રહ્યા છે. આ તોફાનોના કારણે અનેક રસ્તા પર ટ્રાફિક બંધ કરાયો છે અને લોકોને સ્થિતિ કાબૂમાં આવે ત્યાં સુધી વિસ્તારમાં જવાથી બચવાની સલાહ અપાઈ છે. સ્થાનિક ચાઈલ્ડકેર એજન્સી તરફથી બાળકોને તેમના માતા પિતાથી અલગ કરીને ચાઈલ્ડ કેર  હોમમાં રાખવામાં આવી રહ્યા છે. છેલ્લા કેટલાક દિવસમાં અનેક બાળકોને ચાઈલ્ડ હોમ કેરમાં રાખવામાં આવ્યા છે.

Reporter: admin