મુંબઈ :મહારાષ્ટ્રમાં નાયબ મુખ્ય પ્રધાન અને નાણા પ્રધાન અજિત પવારે ‘મુખ્ય પ્રધાન મારી લાડકી બહેન’ યોજના વિશે મોટી જાહેરાત કરી. આ યોજનાનો લાભ લેવા માટે આજથી ઓફલાઈન અરજી પ્રક્રિયા શરૂ થઈ ગઈ છે.
મધ્યપ્રદેશની મુખ્યમંત્રી લાડલી બ્રાહ્મણ યોજનાની તર્જ પર મુખ્યમંત્રી મારી લાડકી બહેન યોજનાની જાહેરાત. આ અંતર્ગત 21 થી 60 વર્ષ સુધીની તમામ મહિલાઓને દર મહિને 1500 રૂપિયા આપવામાં આવશે. આ યોજના જુલાઈ 2024થી લાગુ કરવામાં આવશે. આ માટે દર વર્ષે લગભગ 46 હજાર કરોડ રૂપિયાનું ફંડ ફાળવવામાં આવશે.આ યોજનામાં લાભાર્થી મહિલાઓને દર મહિને 1500 રૂપિયા મળશે. આ યોજનાનો લાભ લેવા માટે મહિલાઓએ ઓનલાઇન/ઑફલાઇન મોડમાં નોંધણી કરાવવી પડશે. રજીસ્ટ્રેશનની છેલ્લી તારીખ 15 જુલાઈ છે.અજિત પવારની આ જાહેરાત બાદ દરેક જગ્યાએ નોંધણી કેન્દ્રોની બહાર મહિલાઓ મોટી ભીડમાં એકઠી થઈ છે. અમરાવતીમાં ‘લાડકી બહેન યોજના’ માટે લાભાર્થીઓને લુંટવામાં આવતા હોવાની ચોંકાવનારી ઘટના પ્રકાશમાં આવી છે.
તેમજ સોલાપુર ખાતેના કેન્દ્રોમાં લાભાર્થી મહિલાઓ પાસેથી એજન્ટો દ્વારા 700 થી 1000 રૂપિયા લેવામાં આવી રહ્યા હોવાનું જાણવા મળ્યું છે. અમરાવતીથી એક વીડિયો વાયરલ થયો છે. આ વીડિયોમાં એ વાત સામે આવી છે કે લાડકી બહેન યોજનાના લાભાર્થીઓને આર્થિક રીતે લૂંટવામાં આવી રહ્યા છે. અહીંની તલાટી કચેરીમાં મહિલાઓ પાસેથી મોટી રકમ પડાવવાામાં આવી રહી છે.લાડકી બહેન યોજના માટે ઑફ લાઇન અરજી કરવા માટે, મહિલાઓ સોલાપુરના કેન્દ્રમાં ઉમટતી જોવા મળે છે. આવકનું પ્રમાણપત્ર અને રહેઠાણનું પ્રમાણપત્ર મેળવવા માટે કેન્દ્રો પર ભારે ધસારો જોવા મળી રહ્યો છે. મહિલાઓએ ફરિયાદ કરી છે કે સર્ટિફિકેટ મેળવવા માટે એજન્ટો મહા-ઈ સેવા કેન્દ્ર પર 700 થી 1000 રૂપિયા વસૂલે છે.
Reporter: News Plus
