સૂરજ બડજાત્યાએ પોતાની આગામી ફિલ્મની જાહેરાત કરી છે. “યે પ્રેમ મોલ લિયા”માં આયુષ્માન ખુરાના અને શર્વરી જોવા મળશે. આ એક મ્યુઝિકલ ફેમિલી એન્ટરટેઇનર ફિલ્મ છે, જે 27 નવેમ્બર 2026ના રોજ સિનેમાઘરોમાં રિલીઝ થશે.
રાજશ્રી પ્રોડક્શન્સ અને મહાવીર જૈન ફિલ્મ્સ મળીને આ ફિલ્મ બનાવી રહ્યા છે. “ઉંચાઈ” માટે નેશનલ એવોર્ડ જીત્યા પછી, સૂરજ બડજાત્યા ફરી એકવાર ફેમિલી એન્ટરટેઇનર સાથે વાપસી કરી રહ્યા છે.આ ફિલ્મ સાથે રાજશ્રીનો પ્રખ્યાત પાત્ર “પ્રેમ” 12 વર્ષ બાદ મોટા પડદા પર પરત ફરી રહ્યો છે. આ વખતે આ પાત્રને પ્રથમ વખત આયુષ્માન ખુરાના નિભાવી રહ્યા છે, જે પોતાના સરળ અને શરારતી અંદાજથી તેને ખાસ બનાવે છે.ફિલ્મમાં તેમની સાથે પહેલીવાર શર્વરી જોવા મળશે. તેમની સાદગી, મજબૂતી અને સુંદરતા રાજશ્રીની હીરોઇનોની ખાસિયતોને આગળ વધારશે. બંનેની ઑન-સ્ક્રીન કેમિસ્ટ્રી જોવાલાયક હશે.
લગભગ 12 વર્ષ બાદ સૂરજ બડજાત્યા અને હિમેશ રેશમિયા ફરી સાથે કામ કરી રહ્યા છે. આ પહેલા તેઓએ “પ્રેમ રતન ધન પાયો”માં સાથે કામ કર્યું હતું, જેના સંગીતને ઘણો પ્રતિસાદ મળ્યો હતો. આ ફિલ્મમાં પણ સંગીત હિમેશ રેશમિયા આપી રહ્યા છે, જેથી એક શાનદાર એલ્બમની અપેક્ષા છે.એવા સમયમાં જ્યારે હિન્દી સિનેમામાં એક્શન, હોરર અને ઐતિહાસિક ફિલ્મોનો પ્રભાવ છે, રાજશ્રી ફરી પોતાની ખાસ ઓળખ એક સચ્ચી ફેમિલી એન્ટરટેઇનર સાથે પરત આવી રહ્યું છે. “યે પ્રેમ મોલ લિયા” 27 નવેમ્બર 2026ના રોજ પરિવારને સિનેમાઘરોમાં લાવવા માટે તૈયાર છે.
Reporter: admin
