વડોદરા પોલીસ દ્વારા અસામાજિક પ્રવૃત્તિઓ બદલ તડીપાર કરેલો આરોપી શહરમાં આવતા એસઓજી પોલીસે તેને ઝડપી પડ્યો હતો. તો પીસીબીએ પણ તડીપાર હોવા છતાં શહેરમાં આવનાર 3 આરોપીઓને ઝડપી પડ્યા હતા.
શહેરના વિવિધ પોલીસ મથકની હદમાં મારામારી તેમજ અન્ય અસામાજિક પ્રવૃત્તિઓ આચરનાર સંદીપ ઉર્ફે સાકાલ વણકરને હદપાર કરવામાં આવ્યો હતો પરંતુ તે સંફાર્મ રોડ ઉપર આવેલા સાઈ દર્શન વુડાના મકાનમાં તે આવ્યો છે તેવી બાતમી એસઓજીને મળી હતી જેના આધારે પોલીસે સ્થળ ઉપર જઈ તપાસ કરતા સંદીપ વણકર ત્યાં ઉભો હતો જેની પોલીસે અટકાયત કરી હતી અને તેના વિરુદ્ધ કાયદેસરની કાર્યવાહી હાથ ધરી છે.
તો પીસીબીએ પણ 3 અલગ અલગ સ્થળોએથી તડીપાર આરોપીઓને ઝડપી પાડી કાયદેસરની કાર્યવાહી હાથ ધરી હતી. પરસુરામ ભઠ્ઠા ચીમનલાલ કેરોસીન વાળાની ચાલમાં રહેતો હસમુખ માળી તડીપાર હોવા છતાં પોતાના ઘરે આવ્યો હતો જેને દબોચી લેવામાં આવ્યો હતો. અન્ય એક આરોપી દાંડિયાબજાર જલારામ કોમ્પ્લેક્ષમાં રહેતો રોહિત કહાર પણ પોતાના ઘરે આવ્યો હતો જેની બાતમી પીસીબીને મળતા તેની અટકાયત કરવામાં આવી હતી.
વારસિયા વિસ્તારમાં સરકારી દવાખાના પાછળ રહેતો બચ્ચુસિંગ દુધાણી તડીપાર કરવામાં આવ્યો હતો તે રાવપુરા નજીક આવ્યો હોવાની બાતમીના આધારે પોલીસે તેને ઝડપી પાડી કાયદેસરની કાર્યવાહી હાથ ધરી છે.
Reporter: News Plus
