ચુંટણીનું મતદાન પૂરું થઈ ગયું તેની સાથે મતદારો માટે ખાસ કરીને મનપા તંત્રનું ગરજ મટીને વૈદ વેરી જેવું વલણ ચાલુ થઈ ગયું છે.છેલ્લા બે દિવસથી જે નળોમાં ભરપૂર પાણી આવતું હતું એ હવે ટપક ટપક થવા માંડ્યું છે.મતની ગરજ પૂરી થઈ ગઈ છે એટલે હવે નળ થી જળને બદલે ઉની ઉની હવા વધુ નીકળશે.
ડચકા ખાતી શહેરી બસ સેવા ધીમે ધીમે છીનવાઈ જાય તો એ આઘાત સહી લેજો.હૈયું કઠ્ઠણ કરીને ઘણું બધું સહી લેવાની શક્તિ કેળવી લેજો.
મતદારો એ કેટલો ઉત્સાહ બતાવ્યો એ તો મતદાનના અંતિમ આંકડા જાહેર થાય પછી જ ખબર પડશે.પ્રાથમિક દ્રષ્ટિએ મતદારો અને કાર્યકરોમાં મોટાભાગની જગ્યાઓએ ઉત્સાહની કમી જણાઈ.જાણતી બેઠકો પર પણ મતદાનની ટકાવારી હાલમાં તો વધી ન હોય એવું જણાય છે.કાલે ચિત્ર સ્પષ્ટ થશે
Reporter: News Plus
