મતદાનના આંકડા મોડી રાત્રિ સુધીમાં મળવાની શક્યતા..વડોદરા લોકસભા બેઠકના ચૂંટણી અધિકારી સહ જિલ્લા ચૂંટણી અધિકારી અને કલેકટર શ્રી બીજલ શાહે નોંધપાત્ર અને શાંતિપૂર્ણ મતદાન કરવા માટે શહેર અને જિલ્લાના મતદારોને ખૂબ ખૂબ અભિનંદન આપવાની સાથે દિલ થી સૌ નો આભાર માન્યો છે.
તેમણે સંતોષ વ્યક્ત કરતા જણાવ્યું કે સાંજના ૬ વાગે મતદાન પૂરું થયું ત્યાં સુધીમાં મતદાન મથક ખાતે કોઈ ગંભીર અનિચ્છનીય બનાવ બન્યો નથી કે કોઈ ચુંટણી વિષયક ગુનો બન્યો નથી.મતદારો એ શાંતિપૂર્વક નોંધપાત્ર મતદાન કર્યું છે.સુચારુ મતદાન અંગે તેમણે સંતોષની લાગણી વ્યક્ત કરી હતી.
તેમણે સમગ્ર ચુંટણી પ્રક્રિયા દરમિયાન મતદારો ને જાગૃત કરવા સહિત વિવિધ રીતે સકારાત્મકતા સાથે ચુંટણી તંત્રને મદદરૂપ બનવા બદલ દૃશ્ય શ્રાવ્ય અને મુદ્રિત માધ્યમો નો પણ આભાર માન્યો છે.
Reporter: News Plus
