સમગ્ર વિશ્વમાં વાસ્ક્યુલર ડે તરીકે ઉજવણી કરવામાં આવે છે. વાસ્ક્યુલર ડે ની ઉજવણી નિમિત્તે વાસક્યુલર સોસાયટી ઓફ ઇન્ડિયા અને શહેરની અગ્રણી આદિપુરા સુપર સ્પેશિયાલિટી હોસ્પિટલના ઉપક્રમે શહેરમાં આજે સવારે 7:30 કલાકે આદિપુરા સુપર સ્પેશિયાલિટી હોસ્પિટલ ખાતેથી વોકેથોનનું આયોજન કરવામાં આવ્યું હતું.
યુવા સાંસદ ડોક્ટર હેમાંગ જોષીએ લીલી ઝંડી બતાવી વોકેથોનનુ પ્રસ્થાન કરાવ્યું હતું. અનોખા ઉત્સાહ અને ઉમંગભર્યા માહોલમાં હોસ્પિટલ ખાતેથી પ્રસ્થાન કરાવાયેલી આ વોકેથોન નટુભાઈ સર્કલ થઈ પરત આદીક્યુરા હોસ્પિટલ ખાતે સંપન્ન થઈ હતી.
વોકેથોનમાં ડો. વિજય ઠાકોર સહિત અન્ય તબીબો ઉપરાંત આરોગ્યપ્રેમી શહેરીજનો મોટી સંખ્યામાં જોડાયા હતા.લોહીની નસોને લગતા રોગો સંદર્ભે જાગૃતિ અર્થે આયોજિત કરાયેલી આ વોકેથોન નગરજનોના આકર્ષણનું કેન્દ્ર બની હતી.
Reporter: admin
