ઝોન 4 પોલીસ સ્ટેશનમાં આવતા ચાર પોલીસ સ્ટેશનમાં વર્ષ 2019 થી 24 દરમિયાન દારૂ ઝડપાયો હતોવડોદરા શહેરના ઝોન 4માં આવતા ચાર પોલીસ સ્ટેશન વિસ્તારમાં 2019 થી 24 દરમિયાન ઝડપાયેલા 3.5 કરોડના દારૂ અને બિયરના જથ્થા પર દરજીપુરા ખાતે બુલડોઝર ફેરવીને વિધિ સર નાશ કરાયો હતો.

સ્થળ પર ડીસીપી પન્ના મોમાયા એસીપી એમપી ભોજાણી અને અલગ અલગ પોલીસ સ્ટેશનના પીઆઇ હાજર રહ્યા હતા.શહેરના ઝોન 4 વિસ્તારમાં આવતા વારસીયા,બાપોદ સીટી અને હરણી પોલીસ સ્ટેશનમાં વર્ષ 2019-24 સુધી 200 થી વધુ દારૂના કેસોમાં કરવામાં આવ્યા હતા. પાંચ વર્ષ દરમિયાન રૂ. 3.5 કરોડના હજારો લિટર દારૂ-બિયરના ટિન પર ઝડપાયા હતા. દરજીપુરા વિસ્તારમાં આવેલી ગૌચરની જમીનમાં દારૂનો જથ્થા પર બુલડોઝર ફેરવી નાશ કરવામાં આવ્યો હતો. 

જેમાં ઝોન 4નાં ડીસીપી પન્ના મોમાયા,  એસીપી એમ પી ભોજાણી અલગ અલગ પોલીસ સ્ટેશનના પીઆઇની હાજરીમાં  દારૂ પર બુલડોઝર ફેરવી દેવાયું હતું. ઝોન 4ના ડીસીપી પન્ના મોમાયાએ જણાવ્યું કે વારસિયા, બાપોદ, સિટી, હરણી પોલીસ સ્ટેશન દ્વારા પકડાયેલ દારૂનો નાશ કરવામાં આવ્યો હતો.સંબંધિત કોર્ટમાંથી આ દારૂના જથ્થાનો નાશ કરવાની પરવાનગી મેળવીને ડીસીપી, એસીપી અને ચારેય પોલીસ સ્ટેશનના પી.આઇ તેમજ નશાબંધી અધિકારીની હાજરીમાં 3.5 કરોડના વિદેશી દારૂના જથ્થાનો દરજીપુરા ગામની સીમમાં આવેલી ગોચર વાળી જમીનમાં બુલડોઝર ફેરવી નાશ કરવામાં આવ્યો હતો.

Reporter: News Plus