ઈન્ડિયન મેડિકલ એસોસિએશન આઈએમએના વડોદરા ચેપ્ટર દ્વારા ગઈકાલે સવારે 9.00 વાગ્યાથી 11.00 વાગ્યા દરમિયાન ટેબલ ટેનિસ ટુર્નામેન્ટનું આયોજન કરવામાં આવ્યુ હતુ.
જેમાં આઈએમએમાં નોંધાયેલા વડોદરાના ઘણા ડોક્ટરોએ ભાગ લીધો હતો. ટેબલ ટેનિસ ટુર્નામેન્ટ એમ એસ યુનિવર્સિટીના પેવેલિયન ખાતે રમાઈ હતી. આઈએમએના વડોદરા ચેપ્ટરના પ્રમુખ ડો. મિતેષ શાહે જણાવ્યુ હતુ કે, વડોદરાના ડોક્ટરો માટે રવિવારે 23મીએ ખાસ ટેબલ ટેનિસ ટુર્નામેન્ટ યોજાઈ હતી. એમ એસ યુનિવર્સિટીના ટેબલ ટેનિસ સેન્ટર ખાતે યોજાયેલી ટુર્નામેન્ટમાં કેટલાય ડોક્ટરોએ ભાગ લીધો હતો.
સવારે 9.00 વાગ્યાથી શરૂ થયેલી ટુર્નામેન્ટ લગભગ 11.00 વાગ્યા સુધી ચાલી હતી. રમતના અંતે વિજેતાઓના નામ ઘોષિત કરવામાં આવ્યા હતા અને એમને ઈનામોનું વિતરણ પણ કરવામાં આવ્યુ હતુ. ટેબલ ટેનિસ ટુર્નામેન્ટમાં ભાગ લઈને વડોદરાના ડોક્ટરો ખુબ આનંદિત થયા હતા. ઈન્ડિયન મેડિકલ એસોસિએશનના વડોદરા ચેપ્ટર દ્વારા ઘણી વખત આવી ટુર્નામેન્ટોનું આયોજન કરવામાં આવે છે. જેમાં મોટાભાગના ડોક્ટરો ભાગ લેતા હોય છે. આગામી દિવસોમાં આઈએમએ દ્વારા બીજી ઘણી ટુર્નામેન્ટ આયોજીત કરવાની યોજના છે.
Reporter: News Plus
