ટી 20 વર્લ્ડ કપ ચાલી રહ્યો છે ત્યારે આજે ભારત અને અમેરિકા વચ્ચે મેચ રમાશે.કેટલાક ક્રિકેટ પ્રેમીઓ આ મેચને ભારત વિરુદ્ધ મીની ભારતની મેચ ગણાવી રહ્યા છે કારણ કે અમેરિકાની ટીમમાં મોટા ભાગના ખેલાડીઓ ભારતીય છે.
અને તેઓનો જ હાલ સુધીમાં દબદબો રહ્યો છે ત્યારે આજે રોમાંચક મુકાબલો જોવા મળશે. અમેરિકાની ટીમમાં 8 ખેલાડીઓ ભારતીય મૂળના છે. અમેરિકાએ પ્રથમ વખત વર્લ્ડ કપમાં પ્રવેશ કરીને સૌને ચોંકાવી દીધા છે. પહેલા કેનેડાને હરાવ્યું અને પછી પાકિસ્તાનને હરાવ્યું. ત્યારે આજનો મુકાબલો પણ ક્રિકેટપ્રેમીઓ માટે રોમાંચક રહેશે.લીગ રાઉન્ડમાં ભારતની આ ત્રીજી મેચ છે અને ટીમ ઈન્ડિયાએ બે મેચ જીતી છે.ભારતે આયર્લેન્ડ અને પાકિસ્તાનને હરાવ્યું છે.જો ભારતીય ટીમ અમેરિકા સામેની મેચ જીતી જશે તો તે સુપર-8 રાઉન્ડ માટે ક્વોલિફાય થઈ જશે.અમેરિકા માટે પણ આ જ સમીકરણ છે.
Reporter: News Plus
