વડોદરા લોકસભાની ચૂંટણીના હવે ગણતરીના દિવસો બાકી છે ત્યારે વડોદરામાં માત્ર ભાજપા ની કેસરિયા રેલીઓ એ વેગીલા પ્રચાર સાથે આકર્ષણ જમાવ્યું છે. આજે ભાજપા ઉમેદવાર ડોક્ટર હેમાંગ જોશી એ વોર્ડ નંબર ૧ છાણીમાં સરદાર પટેલની પ્રતિમાને પુષ્પાંજલિ અર્પણ કરી,નમન કરી સમર્થકો અને કાર્યકર્તાઓ સાથે પ્રચાર ફેરણીના શ્રી ગણેશ કર્યા હતા. વોર્ડ નંબર એક અને બેની ફેરણિ દરમિયાન ઉમેદવારનું ઠેર ઠેર સ્વાગત કરવામાં આવ્યું હતું. પ્રજા તરફથી સારો આવકાર મળ્યો હતો. ઠેર ઠેર મતદારો પણ આદરણીય વડાપ્રધાનના અબકી બાર 400 પાર ના સંકલ્પને સાકાર કરવા ઉત્સાહી જણાતા હતા.
ભાજપા ઉમેદવાર ડોક્ટર હેમાંગ જોશી ની ફેરણીમાં તેઓની સાથે વિધાનસભાના મુખ્ય દંડક અને રાવપુરા ના ધારાસભ્ય બાળકૃષ્ણ શુક્લ, ડેપ્યુટી મેયર ચિરાગ બારોટ, રાવપુરા વિધાનસભાના ઇન્ચાર્જ મિનેશ પંડ્યા, શહેર મહામંત્રી સત્યન કુલાબકર સહિત મોટી સંખ્યામાં સમર્થકોને કાર્યકર્તાઓ જોડાયા હતા. ઉમેદવાર ડોક્ટર હેમાંગ જોશી વોર્ડ નંબર એક અને બે ના વિવિધ વિસ્તારોમાં મતદારોનો સંપર્ક કરી વિકસિત ભારતના મુદ્દાઓને રજૂ કરતા પ્રજાજનો તરફથી સુંદર પ્રતિસાદ મળ્યો હતો અને મતદાતાઓ પણ મતદાન કરવા માટે ખૂબ ઉત્સાહી જણાયા હતા
Reporter: News Plus
