શહેરના સયાજીગંજ વિસ્તારમાં એક હોટલમાં આગ લાગવાની ઘટના બની હતી. જો કે જાગૃત નાગરિકોએ ફાયર બ્રિગેડ આવે તે પહેલા જાતે જ પાણીનો મારો ચલાવી આગ ઉપર કાબુ મેળવી લીધો હતો.
મળતી વિગતો અનુસાર સયાજીગંજ વિસ્તારમાં આવેલી હોટ બાઈટ રેસ્ટોરન્ટમાં અચાનક આગ લાગી હતી. આગના કારણે ધુમાડાના ગોટેગોટા જોવા મળ્યા હતા. જો કે આગ લાગતા જ હોટલનો સ્ટાફ અને જાગૃત નાગરિકો દ્વારા પાણીનો મારો ચલાવવામાં આવ્યો હતો. અને ફાયર બ્રિગેડ પહોંચે તે પહેલા જ આગ ઉપર કાબુ મેળવી લીધો હતો. ઉનાળાના સમયમાં આગ લાગવાની ઘટનાઓમાં નોંધપાત્ર વધારો જોવા મળ્યો છે. ત્યારે આ હોટલમાં આગ કયા કારણોસર લાગી હતી તે જાણી શકાયું નથી.
Reporter: News Plus
