વડોદરામાં યુથ કોંગ્રેસનો તીવ્ર વિરોધ
NEET પેપર લીક વિરુદ્ધ વડોદરા યુથ કોંગ્રેસનું વિરોધ પ્રદર્શન.
સમગ્ર દેશમાં ૨૨ લાખ યુવાઓએ આપેલી NEET પરીક્ષાનું પેપર લીક થતાં પરીક્ષા રદ કરવામાં આવી છે. પોલીસ તપાસમાં આ પેપર લીકમાં ભાજપ નેતા દિનેશ બીવાલની સંડોવણી સામે આવી છે. આ મામલે વડોદરા શહેર યુથ કોંગ્રેસે દેશના શિક્ષા મંત્રી ધર્મેન્દ્ર પ્રધાન સાહેબના રાજીનામાની માંગ કરી છે અને યુવાઓના ભવિષ્ય સાથે ખીલવાડ કરતા ભાજપ નેતાઓને જેલ ભેગા કરવાની માંગ સાથે વિરોધ પ્રદર્શન કર્યું હતું.ગઈ કાલે યુથ કોંગ્રેસના કાર્યકરોએ વડોદરા શહેરમાં વિરોધ પ્રદર્શન કર્યું. પ્રદર્શન દરમિયાન પોલીસે યુથ કોંગ્રેસ પ્રમુખ પવન ગુપ્તા, નિખિલ સોલંકી, વરુણ માળી, ઉમંગ સોલંકી, અમાન સૈયદ, શિવમ લુહાર અને અન્ય પાંચ કાર્યકરોની ધરપકડ કરી હતી.
યુથ કોંગ્રેસે જણાવ્યું કે ભાજપના નેતાઓની સંડોવણીથી NEET જેવી રાષ્ટ્રીય સ્તરની પરીક્ષાની પવિત્રતા ભંગ થઈ છે. ૨૨ લાખ યુવાઓએ મહેનતથી તૈયારી કરી હતી, તેમના ભવિષ્ય સાથે આ રીતે રમત રમવામાં આવી છે. યુથ કોંગ્રેસે માંગ કરી છે કે આ કાંડમાં સંડોવાયેલા તમામ લોકો સામે સખત કાર્યવાહી કરવામાં આવે અને શિક્ષા મંત્રી ધર્મેન્દ્ર પ્રધાન સાહેબે તુરંત રાજીનામું આપવું જોઈએ.NEET-UG ૨૦૨૬ પરીક્ષા રદ થવાથી દેશભરમાં વિરોધની લહેર ફેલાઈ છે. વડોદરા યુથ કોંગ્રેસના કાર્યકરોએ કહ્યું કે આ માત્ર એક પેપર લીક નથી, પરંતુ યુવાઓના સપનાઓ સાથે ગુનો છે. તેઓએ માંગ કરી છે કે NTA અને સરકાર આ મામલે સંપૂર્ણ પારદર્શક તપાસ કરાવે અને દોષીઓને કડક સજા થાય.પોલીસે ધરપકડ કરાયેલા તમામ કાર્યકરોને હાલમાં કોર્ટમાં પેશ કરવામાં આવ્યા છે. યુથ કોંગ્રેસે આ ધરપકડોને અવાજ દબાવવાની કોશિશ તરીકે વર્ણવી છે અને વધુ તીવ્ર આંદોલન કરવાની ચેતવણી આપી છે.આ કાંડને લઈને વિરોધ પ્રદર્શનો દેશના અનેક શહેરોમાં થઈ રહ્યા છે. વડોદરા યુથ કોંગ્રેસે યુવાનોના હિતમાં સતત લડત ચાલુ રાખવાનું નક્કી કર્યું છે.
Reporter: admin
