પેરિસ : ભારતીય હોકી ટીમ પેરિસ ઓલિમ્પિકમાં તેની બીજી મેચ રમી હતી. આર્જેન્ટિના સામે પ્રથમ ક્વાર્ટરમાં બંને તરફથી કોઈ ગોલ થઈ શક્યો નહોતો. પરંતુ બીજા ક્વાર્ટરમાં આર્જેન્ટિનાએ ગોલ કરીને 1-0ની સરસાઈ મેળવી લીધી હતી.
આર્જેન્ટિનાએ પહેલો ગોલ રમતની 22મી મિનિટે કર્યો હતો. અગાઉ આ જ ક્વાર્ટરમાં ભારતને સતત ત્રણ પેનલ્ટી કોર્નર મળ્યા હતા, જેમા ટીમ તેનો ફાયદો ઉઠાવી શકી નહોતી.જોકે, કેપ્ટન હરમનપ્રીત સિંહે રમતની 59મી મિનિટે ગોલ કરીને ભારતને 1-1ની બરાબરી અપાવી હતી. પેરિસ ઓલિમ્પિકમાં હોકીમાં ભારત ડ્રૉ રમ્યું આર્જેન્ટિના સામે 1-1થી હોકી મુકાબલો ડ્રૉ કરી આર્જેન્ટિના સામે ભારતે છેલ્લી ઘડીમાં ગૉલ ફટકાર્યો અને અંતિમ ક્ષણે બાજી પલટી ભારતે હારને અટકાવી હતી છેલ્લી 2 મિનિટમાં જ ભારતને 4 પેનલ્ટી કૉર્નર મળ્યાં હતા પરંતુ હરમનપ્રીતના છેલ્લી ઘડીના ગૉલથી હારથી બચ્યા હોકીની બે મેચમાં હજુ સુધી ભારત અપરાજિત રહ્યું છે .
ભારત-આર્જેન્ટિના 1-1 થી આજે ભારતીય હોકી ટીમ શરૂઆતથી જ મુશ્કેલીમાં દેખાઇ રહી હતી. શરૂઆતના ત્રણ ક્વાર્ટરમાં ટીમ 1-0થી પાછળ હતી. નજારો જોતા એવું લાગી રહ્યું હતું કે, આ મેચ ભારતીય ટીમ હારી જશે પણ અંતિમ ક્ષણે ટીમના કેપ્ટન હરમનપ્રીત સિંહે ગોલ કરીને બાજી પલટી દીધી હતી. જ્યા આર્જેન્ટિના શરૂઆતથી જ હાવી દેખાતી હતી ત્યારે અંતિમ ક્ષણે ભારતના કેપ્ટને ગોલ કરી ભારતની વાપસી કરાવી હતી. આ સાથે ભારત અને આર્જેન્ટિનાનો સ્કોર 1-1 થી બરાબર રહ્યો હતો. ભારતીય ટીમ હવે તેની આગામી મેચ 30 જુલાઈએ આયર્લેન્ડ સામે રમશે.
Reporter: admin
