ભાજપા ઉમેદવાર ડૉ. હેમાંગ જોષી સાંજે ૪ વાગે શહેરના સલાટવાડા સ્થિત IMA HOUSE ખાતે IMA મેગા ડોક્ટર્સ મીટીંગ માં અને ડોક્ટર્સ ફિટનેસ હબના ઉદઘાટન પ્રસંગે પહોંચ્યા હતા, જ્યાં ઉમેદવાર ડૉ. હેમાંગ જોષી દ્વારા ડોક્ટર્સ ફિટનેસ હબનું ઉદઘાટન કરવામાં આવ્યું હતું.
આ પ્રસંગે ઉપસ્થિત તબીબો સાથે શુભેચ્છા મુલાકાત દરમ્યાન ડૉ. હેમાંગ જોષીએ જણાવ્યું હતું કે વડાપ્રધાન શ્રી નરેન્દ્રભાઈ મોદી દેશના નાગરિકોને વિશેષ કરીને વયસ્ક નાગરિકોને તબિબી સેવા મળી રહે, તે માટે ગામડાઓમાં PHC સેન્ટરથી માંડીને શહેરોમાં સાધન, સામગ્રી અને સુવિધાઓથી સજ્જ દવાખાનાઓનું નિર્માણ કરી રહ્યા છે અને હવે દેશના ૭૦ વર્ષ ઉપરાંત તમામ વયસ્ક નાગરિકોના સ્વાસ્થ્યની ચિંતા કરી ૫ લાખ સુધી મેડિકલ ઇન્સ્યોરન્સ ની જોગવાઈ કરી છે આજે ભારત વિનામૂલ્યે મેડિકલ સુવિધાઓ પૂરી પાડવા દુનિયામાં અગ્રસેર છે વડાપ્રધાન મોદીજીના દિવ્ય ભારત, વિકસિત ભારતના સંકલ્પને સાકાર કરવા આપ સહભાગી બનો એવી અપીલ કરી હતી. અંતે ઉપસ્થિત તબીબીઓએ ડૉ. હેમાંગ જોષીને સમર્થન આપી ભાજપાના કમળને ખીલવવા સંકલ્પ કર્યો હતો.
Reporter: News Plus
