‘રાઇસ રોટી રેટ’માં ડુંગળી, ટામેટા અને બટાટાના ભાવમાં વાર્ષિક ધોરણે અનુક્રમે 41 ટકા, 40 ટકા અને 38 ટકાનો વધારો થયો છે.
ગરીબોની ડુંગળી, ટામેટાં અને બટાકાંના ભાવમાં થયેલાં અસહ્ય વધારાને પગલે એપ્રિલ મહિનામાં શાકાહારી થાળી મોંઘી થઈ હતી. જ્યારે બ્રોઇલર સસ્તું થયું હોવાને કારણે નોન-વેજ થાળીની કિંમતમાં ઘટાડો થયો છે. ક્રિસીલ માર્કેટ ઇન્ટેલિજન્સ અને એનાલિટિક્સના અનુમાન અનુસાર, ઘરે તૈયાર થયેલી શાકાહારી થાળીની કિંમત એપ્રિલમાં વાર્ષિક ધોરણે 8 ટકા વધી છે. જ્યારે નોન-વેજ થાળીના ભાવમાં 4 ટકાનો ઘટાડો થયો છે. ઉત્તર, દક્ષિણ, પૂર્વ અને પશ્ચિમ ભારતમાં પ્રવર્તતી ઈનપુટ કિંમતોના આધારે ઘરે તૈયાર થતી શાકાહારી થાળીની સરેરાશ કિંમતની ગણતરી કરવામાં આવી હતી.
એપ્રિલમાં વેજ થાળીની કિંમત 8 ટકા વધીને 27.4 રૂપિયા થઈ ગઈ છે. ગયા વર્ષે આ જ મહિનામાં વેજ થાળીની કિંમત 25.4 રૂપિયા હતી. તે જ સમયે, બ્રોઇલર સસ્તું થયું હોવાને કારણે, સમાન સમયગાળામાં નોન-વેજ થાળીની કિંમત રૂ. 58.9 થી 4 ટકા ઘટીને રૂ. 56.3 પર આવી ગઈ છે.
આ રિપોર્ટમાં ‘રાઇસ રોટી રેટ’માં ડુંગળી, ટામેટા અને બટાટાના ભાવમાં વાર્ષિક ધોરણે અનુક્રમે 41 ટકા, 40 ટકા અને 38 ટકાનો વધારો થયો છે. જેના કારણે શાકાહારી થાળીની કિંમતમાં વધારો થયો છે. ક્રિસિલે ં જણાવ્યું છે કે રવિ વિસ્તારમાં ઘટાડાને કારણે ડુંગળીની આવકમાં ઘટાડો થયો છે. આ ઉપરાંત પશ્ચિમ બંગાળમાં બટાકાના પાકને નુકસાન થવાના કારણે તેના ભાવમાં વધારો થયો છે. ચોખા (શાકાહારી થાળીના ખર્ચના 13 ટકા) અને કઠોળ (9 ટકા)ના ભાવમાં વાર્ષિક ધોરણે અનુક્રમે 14 ટકા અને 20 ટકાનો વધારો થયો છે. નોન-વેજ થાળીના ભાવ ગત નાણાકીય વર્ષના ઊંચા આધારની સરખામણીમાં બ્રોઈલરના ભાવમાં વાર્ષિક ધોરણે 12 ટકાનો ઘટાડો થયો છે.
Reporter: News Plus
