વડોદરા શહેરમાં પૂરજોશમાં ચાલી રહેલી સફાઈ ઝુંબેશમાં સ્વચ્છતાકર્મીઓ દ્રારા વડોદરા શહેરના ખૂણે ખૂણામાં સફાઈ કરવામાં આવી રહી છે.

વડોદરા શહેરના ગોરવાના રહેણાંક વિસ્તારોમાં કચરાના ઢગલા તથા જાહેર માર્ગો પરના કચરાને એકત્રિત કરીને યોગ્ય નિકાલ કરવામાં આવી રહ્યો છે.શહેરના અસરગ્રસ્ત વિસ્તારોમાં સફાઈ, આરોગ્ય અને રોડ રસ્તાને લગતી કામગીરી રાત દિવસ ચાલી રહી છે. આજે પણ વડોદરામાં ગોરવા વિસ્તારોમાં સફાઈ વીરો દ્વારા સફાઇ કામગીરી અટક્યા વગર હાથ ધરવામાં આવી રહી છે. 

આ સાથે રોગચાળો ના ફેલાય તે માટે ભરાયેલા પાણી પર દવાઓનો છંટકાવ પણ કરવામાં આવી રહ્યો છે.આ ઉપરાંત શહેરના ગોરવા સહિત અન્ય વિસ્તારોમાં રસ્તા પર અને રહેણાક વિસ્તારોની આસપાસ ખાબોચિયામાં ભરાયેલ પાણીના કારણે વરસાદી જીવાતોનો ઉપદ્રવ ના થાય અને રોગચાળો ના ફેલાય તે માટે દવાઓનો છંટકાવ પણ કરવામાં આવી રહ્યો છે.

Reporter: admin