વડોદરા હાલોલ રોડ પર જરોદ પોલીસ મથકની હદમાં આવેલ જરોદ ત્રણ રસ્તા પાસે વહેલી સવારે ચાર વાહનો વચ્ચે વિચિત્ર ગોઝારો અકસ્માત સર્જાયો હતો આ ગોઝારા અકસ્માતમાં રોડ કૉસ કરી રહેલ જરોદ ગામના દંપતીનું ગાડીઓ વચ્ચે ચગદાઈ 
જતા ઘટના સ્થળ પર જ કમકમાટી ભર્યું મોત નિપજયું હતું જયારે આ ગોઝારા અકસ્માતના પગલે હાઇવે પર ટ્રાફિક જામ સર્જાયો હતો 

 વડોદરા હાલોલ રોડ પર વહેલી સવારે ચાર ગોઝારો અકસ્માત સર્જાયો હતો જેમાં હેવી લોડર ટ્રક, પાણી નું ટેન્કર, રીક્ષા, અને ઈક્કો કાર એક બીજાની પાછળ ધડાકાભેર અથડાઈ હતી જેમાં ઈકકો કારનો કચ્ચરધાણ નીકળી ગયો હતો અને આ અકસ્માતમાં જરોદ ત્રણ રસ્તા પાસે રોડ ક્રોસ કરી રહેલ દંપતીનું બે વાહનો વચ્ચે ચગદાઈ જવા થી ઘટના સ્થળ પર જ મોત નીપજ્યું હતું જયારે બે વ્યક્તિ કારમાં ફસાઈ જતા વડોદરા ફાયર વિભાગના ફાયર લાશ્કરો દ્ધારા ઘટના સ્થળે પહોંચી રેસ્ક્યુ કરી તેમને બહાર કાઢવામાં આવ્યા હતા.

અકસ્માત અંગેની જાણ 108 એમ્બ્યુલન્સને કરવામાં આવતા 108 એમ્બ્યુલન્સની ટિમો ઘટના સ્થળે દોડી આવી હતી સાથે જરોદ પોલીસ અકસ્માતની જાણ થતા પોલીસ કાફલો ઘટના સ્થળે દોડી આવ્યો હતો અને ટ્રાફિક હળવો કરી કાયદેસરની કાર્યવાહી હાથ ધરી હતી

Reporter: admin