લોકસભાની વડોદરા બેઠકની સાથે વાઘોડિયા વિધાનસભા બેઠકની પેટા ચુંટણી યોજવામાં આવી છે. અહીં ભાજપ અને કોંગ્રેસ બંનેએ ઉમેદવારો મેદાનમાં ઉતરતા જંગ રસપ્રદ બન્યો છે. ત્યારે આજે કોંગ્રેસી ઉમેદવાર કનુ ગોહિલે, ટેકેદારોના જય માતાજીના જયઘોષ વચ્ચે ઉમેદવારી નોંધાવવા ટેકેદારો સાથે ઉમેદવારી પત્ર ભર્યું હતું
કોંગ્રેસ દ્વારા વર્ષો બાદ પીઢ અને સમર્પિત કોંગ્રેસી કાર્યકરને ટિકિટ આપી છે. એટલે સ્થાનિકોમાં ભારે ઉત્સાહ છે. એક ટેકેદારે જણાવ્યું હતું કે, આ લડાઈ ભલે બે બાપુ વચ્ચે હોય, પણ એક બાપુ આયાતી . અમારા ઉમેદવાર સ્થાનિક છે. ઉમેદવારી નોંધાવવા છેક અનગઢથી વાઘોડિયા જવા નિકળેલા કનુ ગોહિલે જણાવ્યું કે, વાઘોડિયા મત વિસ્તારમાં રસ્તા, પાણી સહિત લોક પ્રશ્નો વર્ષોથી પડતર છે. આ પ્રશ્નોનું નિરાકરણ અમારું મુખ્ય કામ રહેશે. લોકો સ્વયંભૂ અમારા સરઘસમાં જોડાયા છે. લોકોનો ઉત્સાહ અમારી સાથે છે. સાથી કાર્યકરે જણાવ્યું કે, અમે પરિણામ લાવીને બતાવીશું.
Reporter:
