વડોદરા શહેરના ફતેગંજ વિસ્તારમાં બંધ મકાનને અજાણ્યા તસ્કરોએ નિશાન બનાવી સોના-ચાંદીના દાગીના તથા રોકડ રકમની ચોરી કરી હતી.
મળતી વિગતો અનુસાર વડોદરા શહેરના ફતેગંજ વિસ્તારમાં ગોદરેજ હોલની બાજુમાં આવેલા મકાનમાં સતીશ શર્મા નામના વ્યક્તિ રહે છે. તેઓ ગત તા. 26 મે રવિવારના રોજ પોતાનું મકાન બંધ કરી પરિવાર સાથે દાહોદ ખાતે ગયા હતા. અને ત્યારબાદ વેકેશન બાદ ગુરૃવારના રોજ બપોરના સમયે ઘરે પરત ફર્યા હતા. ઘરમાં આવતા માલુમ પડ્યું હતું કે તેઓના મકાનમાં ચોરી થઇ છે.
ઘરમાં પ્રવેશ કરતા તિજોરી ખુલ્લી હાલતમાં નજરે પડી હતી. સતીશ શર્મા તથા તેઓના પરિવારે આ અંગે પોલીસ મથકે જાણ કરતા અપોલીસ કાફલો ઘટના સ્થળે દોડી આવ્યો હતો અને ચકાસણી કરી હતી. તપાસ કરતા માલુમ પડ્યું હતું કે મકાનમાંથી સોના ચાંદીના ઘરેણાં તેમજ રોકડ મળી કુલ રૂ. 1.5 લાખની ચોરી થવા પામી છે. બનાવ સંદર્ભે પોલીસે ગુનો નોંધી તપાસ હાથ ધરી છે.
Reporter: News Plus
