લોકસભા ચૂંટણી 2024ના છઠ્ઠા તબક્કા માટે આજે મતદાન થઈ રહ્યું છે. કોંગ્રેસ સંસદીય દળના અધ્યક્ષ સોનિયા ગાંધી અને પાર્ટીના સાંસદ રાહુલ ગાંધીએ મતદાન કર્યુ હતુ. પ્રિયંકા ગાંધી પણ મતદાન કરવા આવ્યા હતા.
મતદાન બાદ રાહુલ ગાંધી તેમની માતા સોનિયા ગાંધી સાથે સેલ્ફી લેતા જોવા મળ્યા હતા.'X' પર પોસ્ટ કરતી વખતે રાહુલ ગાંધીએ કેટલાક વિશિષ્ટ મુદ્દાઓ પર લખતા કહ્યું કે, આજે મતદાનનો છઠ્ઠો તબક્કો છે અને તમારો દરેક મત એ સુનિશ્ચિત કરશે કે 30 લાખ ખાલી સરકારી જગ્યાઓ પર ભરતી થાય અને યુવાનો માટે દર વર્ષે 1 લાખ રૂપિયાની પ્રથમ નોકરીની ગેરંટી યોજના શરૂ થાય.
રાહુલ ગાંધીએ કહ્યું કે, કેટલાક ગરીબ પરિવારોની મહિલાઓના ખાતામાં દર મહિને 8,500 રૂપિયા આવવા લાગ્યા. ખેડૂતો દેવા મુક્ત હોવા જોઈએ અને તેમને તેમના પાક પર યોગ્ય MSP મળવી જોઈએ. મજૂરોને રોજનું 400 રૂપિયાનું વેતન મળવું જોઈએ, તમારો મત ફક્ત તમારું જીવન જ સુધારશે નહીં પરંતુ લોકશાહી અને બંધારણનું પણ રક્ષણ કરશે.રાહુલે કહ્યું હતું કે માતા અને મેં લોકશાહીના આ મહાન તહેવારમાં મતદાન કરીને યોગદાન આપ્યું છે.
Reporter: News Plus
