મુંબઈ: એક બંધ ઘરમાં ચોર ઘૂસી એલઇડી ટીવી સહિતની કેટલીક વસ્તુઓની ચોરી કરી ગયો હતો. બીજા દિવસે જ્યારે તે ફરી એજ ઘરે બીજી કેટલીક વસ્તુઓ ચોરી કરવા આવ્યો હતો.ત્યારે તેણે એક રૂમમાં ઘર માલિકનો નો ફોટો જોયો. ફોટો જોઈને ચોરને ખૂબ જ પસ્તાવો થયો. તેણે ચોરીનો સામાન પરત કર્યો.એટલું જ નહીં, તેણે દિવાલ પર એક નાનકડી નોટ ચોંટાડી હતી, જેમાં તેણે મહાન સાહિત્યકારના ઘરમાંથી ચોરી કરવા બદલ માલિકની માફી માંગી હતી.

ચોરે પ્રખ્યાત મરાઠી કવિ નારાયણ સુર્વેના ઘરમાંથી ચોરી કરી હતી.ચોરે રાયગઢ જિલ્લાના નેરલમાં સ્થિત પ્રખ્યાત મરાઠી કવિ નારાયણ સુર્વેના ઘરમાંથી એલઇડી ટીવી સહિતની કિંમતી વસ્તુઓની ચોરી કરી હતી.સુજાતા અને તેના પતિ રવિવારે વિરારથી પાછા ફર્યા ત્યારે તેમને આ ‘નોટ’ મળી હતી.પોલીસે જણાવ્યું કે સુજાતા અને તેના પતિ રવિવારે વિરારથી પાછા ફર્યા ત્યારે તેમને આ ‘નોટ’ મળી હતી. તેમણે કહ્યું કે પોલીસે ટીવી અને અન્ય વસ્તુઓ પર મળી આવેલા ફિંગરપ્રિન્ટના આધારે વધુ તપાસ હાથ ધરી છે. 

બાળપણમાં માતા-પિતાને ગુમાવનાર સુર્વે મુંબઈની સડકો પર મોટા થયા. તેઓ ઘરેલું સહાયક તરીકે, હોટલમાં વાસણો સાફ કરવા, બાળકોની સંભાળ રાખવા, પાલતુ કૂતરાઓની સંભાળ રાખવા, દૂધ પહોંચાડવા, કુલીઓ અને મિલ મજૂરો તરીકે કામ કરતા હતા.સુર્વેએ તેમની કવિતાઓ દ્વારા મજૂરોના સંઘર્ષને વર્ણવવાનો પ્રયાસ કર્યો હતો.મુંબઈમાં જન્મેલા સુર્વે પ્રખ્યાત મરાઠી કવિ અને સામાજિક કાર્યકર્તા હતા. તેમની કવિતાઓમાં શહેરી મજૂર વર્ગના સંઘર્ષને સ્પષ્ટપણે દર્શાવનાર સુર્વેનું 16 ઓગસ્ટ 2010ના રોજ 84 વર્ષની વયે અવસાન થયું હતું. સુર્વેની પુત્રી સુજાતા અને તેના પતિ ગણેશ ખરે હવે આ ઘરમાં રહે છે. તેઓ તેમના પુત્રના ઘેર વિરાર ગયા હતા અને તેમનું ઘર 10 દિવસથી બંધ હતું.

Reporter: admin