પેટ્રોલ પંપનો વિવાદ ઉભો કરનારા યજ્ઞેશ શાસ્ત્રી સામે ડેપ્યુટી મેયર ચિરાગ બારોટે અકોટા પોલીસ સ્ટેશનમાં બીએનએસની કલમ મુજબ 356ની માનહાનિની ફરિયાદ કરી છે. ત્યારબાદ નોટીસ આપી,૧૦ કરોડનો બદનક્ષીનો દાવો પણ વડોદરાની કોર્ટમાં, કર્યો છે. તેમના મિત્ર ભૃગેશ પટેલે પણ યજ્ઞેશ સામે 5 કરોડનો બદનક્ષીની દાવો નામદાર કોર્ટમાં કર્યો છે. હવે નામદાર કોર્ટ યજ્ઞેશ શાસ્ત્રી સામે નોટિસ ઇસ્યુ કરશે. ચિરાગ બારોટના મિત્ર ભૃગેશ પટેલે પણ નામદાર કોર્ટમાં યજ્ઞેશ શાસ્ત્રી સામે 5 કરોડનાં વળતરનો દાવો દાખલ કર્યો છે.બન્ને વતી વકીલ મીનલબેન ગોહિલ છે.

યજ્ઞેશ શાસ્ત્રીએ જ્યારે 10 દિવસ પહેલા પ્રેસ કોન્ફરન્સ કરી ત્યારે તેમણે જે આરોપો લગાવ્યા હતા તે આખી ઘટનાથી વિપરીત છે. કારણકે હવે આ આખો મામલો રાજકીય પ્રરીત હોય તેમ જ લાગી રહ્યું છે. યજ્ઞેશ જે આરોપ લગાવી રહ્યો છે તે પણ રાજકારણ પ્રેરિત છે તેમ હવે લાગી રહ્યું છે. રાજકીય રીતે મામલો ફસાયો છે. ડો.વિજય શાહે પણ યજ્ઞેશને લીગલ નોટિસ ફટકારી હતી. ચિરાગ પટેલે 10 કરોડ અને તેમના મિત્ર ભૃગેશ પટેલે 5 કરોડની બદનક્ષીની ફરિયાદ નોંધાવી છે.

ચિરાગ બારોટે શું ફરિયાદ કરી હતી...
ચિરાગ બારોટવા જણાવ્યું છે કે તેઓ ડેપ્યુટી મેયર તરીકેનો હાલ હોદ્દો ધરાવે છે અને બિલ્ડીંગ મટિરીયલ સપ્લાયર તરીકે કામકાજ કરી ગુજરાન ચલાવે છે. આરોપી યજ્ઞેશને અમે પહેલી વાર મળ્યા ત્યારે તેણે પોતાની ઓળખાણ ભાજપ કાર્યકર તરીકે આપી હતી અને અમને તેમના પેટ્રોલ પંપો અને રેસ્ટોરન્ટો આવેલી છે તે ધંધા સાથે સંકળાયેલા છે તેમ કહ્યું હતું. 

ત્યારબાદ અમારી વચ્ચે મિત્રતાતાનાં સંબંધ થતાં ફરિયાદીના મિત્ર ભૃગેશ પટેલને મળીને આરોપીએ તેમને અને ભૃગેશ પટેલને જણાવેલ કે આરોપીને પેટ્રોલિયમ કંપનીઓમાં મોટી ઓળખાણો છે અને પેટ્રોલ પંપ લઇ આવીએ અને ભાગીદારીમાં ધંધો કરીશું જેથી તેમણે અને ભૃગેશ પટેલે આરોપી પર વિશ્વાસ રાખી જે તે સમયે પેટ્રોલ પંપના ધંધા બાબતે સમજૂતી કરાર કરેલો હતો પણ બાદમાં જે તે સમયે આરોપી સાથે પેટ્રોલ પંપના વ્યવસાયમાં અરસ પરસ મનમેળ ના થતાં સમજૂતી કરાર રદ કર્યો હતો. ત્યારબાદ ક્રાઇમ બ્રાન્ચમાંથી ફોન આવતા તેમને જાણ થઇ હતી કે તેમની સામે આરોપીએ ગૃહ મંત્રીને અરજી કરી હતી. જેમાં આરોપીએ તેમના પેટ્રોલપંપો અમે પડાવી લઇ તેમને તથા તેમના કુટુંબને જાનથી મારી નાખવાની ધમકી આપી આખા કુટુંબ પર અત્યાચાર કરી આત્મહત્યા કરવા પ્રેરીત કરી વડોદરા છોડવાની ધમકી આપવાની લેખીત ફરિયાદ કરેલાની જાણ થઇ હતી. ફરિયાદમાં તેણે આરોપ લગાવ્યો હતો કે ફરિયાદી ચિરાગ બારોટ ભાજપના નામથી બેનામી રુપિયા ઉઘરાવીએ છીએ તેમજ વ્યાપક ભ્રષ્ટાચાર કરીએ છીએ અને તેના દ્વારા મિલકતો વસાવેલી છે. તથા ચિરાગ બારોટના 7થી 8 કરોડનો વહિવટ ભૃગેશ પટેલ રાખે છે. અને 7 કરોડ ભૃગેશ પટેલના ઘરે પડેલા છે તેવા ખોટા અને પાયાવિહોણા આરોપ લગાવેલા છે. આરોપી યજ્ઞેશ શાસ્ત્રી ફરિયાદી ચિરાગ બારોટ ઉપર સમાચાર માધ્યમ અને સોશિયલ મીડિયા દ્વારા તે ગુનાહીત પ્રવૃત્તી સાથે જોડાયેલા હોવાનું જણાવી પેટ્રોલ પંપો પડાવી લેવા માંગતા હોવાના અને ધાકધમકી આપી હોવાનું અને આત્મહત્યા કરવા મજબૂર થવું પડે તે હદ સુધી અત્યાચાર કરતા હોય તેવો પ્રચાર અને પ્રસાર લેખીત તથા મૌખીક રીતે કરી રહેલા હતા અને કરે છે. આરોપીએ પ્રેસ કોન્ફરન્સ કરીને ફરિયાદી ચિરાગ બારોટ ઉપર ખોટા અને પાયાવિહોણા આરોપ કરેલા હતા. ચિરાગ બારોટે અરજીમાં કહ્યું છે કે હું સન્માનિય નાગરીક છું અને કોર્પોરેશનમાં ડે.મેયરના હોદ્દા પર છું તથા શહેર તથા સમાજમાં રહેણાંક અને ધંધાકીય ક્ષેત્રમાં તથા રાજકીય વર્તુળમાં પ્રતિશ્ઠીચ સન્માનિય વ્યક્તિ તરીકેની વિશ્વસનિયતા મેળવેલી છે. પ્રતિષ્ઠાને હાની પહોંચાડવા આરોપીએ અમારા વિરુદ્ધ ગૃહ મંત્રીને કરેલી અરજી સંદર્ભે તેમાં જણાવેલ પાયાવિહોણી અને ખોટી હકિકતોને આરોપીએ તમામ અખબારો, ન્યુઝ મિડીયાના સમાચાર અને સોશિયલ મીડિયામાં પ્રેસ કોન્ફરન્સનું આયોજન કરી સમાચાર પ્રસિદ્ધ કરાવેલા અને તેનાથી ફરિયાદી ચિરાગ બારોટની પ્રતિષ્ઠા ખોટી રીતે ખરડાઇ છે જેથી તેમનું માન સન્માન પ્રતિષ્ઠા અને વિશ્વસનિયતા હતી તેને ભારે આંચ આવી છે અને ફરિયાદી ચિરાગ બારોટની બદનક્ષી કરવાનું કૃત્ય તેણે ચાલુ રાખ્યું છે. જેથી આરોપીએ ગુનાહીત કૃત્ય કરવા બદલ તેની સામે કાયદેસરની કાર્યવાહી કરવા અકોટા પોલીસ સ્ટેશનમાં ફરિયાદ કરેલી છે. અને આ મામલે આરોપી સામે એફઆઇઆર કરવા અરજ- વિનંતી કરી છે. ત્યારબાદ નામદાર કોર્ટમાં બદનક્ષી નો દાવો કરવાની પણ ફરજ પડી છે.

Reporter: admin