વડોદરા ક્રાઇમ બ્રાન્ચના સૂત્રોએ ખોડિયારનગર વિસ્તારમાંથી વિદેશી દારૂના જથ્થા સાથે એક ઈસમને ઝડપી પડ્યો હતો.
વડોદરા ક્રાઇમ બ્રાન્ચને બાતમી મળી હતી જેના આધારે ન્યુ વી.આઇ.પી.રોડ ખોડીયારનગર ખાતેના પીળા વુડાના મકાને દરોડા પાડવામાં આવ્યા હતા. દરમિયાન મકાનમાંથી જીગ્નેશ ઉર્ફે જીગો મફતભાઇ માળી મકાનમાં જ વિદેશી દારૂનો વેપલો ચલાવતો હોવાનું જણાઈ આવ્યું હતું. અને તેના મકાનમાંથી વિદેશી દારૂની 375 બોટલ કી.રૂ. 37,500/- નો જથ્થા તેમજ એક મો.ફોન મળી આવ્યો હતો.
આ ઈસમે શાહરૂખ શેખ નામના ઇસમ પાસેથી દારૂનો જથ્થો મેળવ્યો હોવાનું જાણવા મળ્યું હતું. જીગ્નેશ ઉર્ફે જીગો મફતભાઇ માળી અગાઉ પણ ચાર વખત ઇંગ્લીશ દારૂના કેસોમાં પકડાયેલ હોય આ ઇસમ વિદેશી દારૂના કેસોના કારણે બે વખત પાસામાં પણ જઈ આવ્યો છે. પોલીસે કુલ 40,500 નો મુદ્દામાલ જપ્ત કરી કાયદેસરની કાર્યવાહી હાથ ધરી છે.
Reporter: News Plus
