લોકસભા સામાન્ય ચૂંટણીમાં પ્રથમ વખત મતદાનનો અનુભવ ખાસ બન્યો: સાવલીના યુવા મતદાર રુત્વા પુરાણીએ મતદાન કરી લોકશાહીના પર્વ ની ઉજવણી કરી હતી.
મારા મતથી રચાશે મારી સરકાર‘, એમ કહેતા સાવલી વિધાનસભા મતવિભાગના યુવા મતદાર રુત્વા પુરાણીએ લોકસભા સામાન્ય ચૂંટણીમાં પ્રથમ વખત મત આપીને ધન્યતા અનુભવી હતી.
સાવલીના મહિલા સશક્તિકરણ થીમ આધારિત આદર્શ મતદાન મથક ખાતેથી મતદાન કર્યા બાદ તેમણે ગર્વભેર કહ્યું હતું કે, મે અગાઉ વિધાનસભાની ચૂંટણીમાં મતદાન કર્યું હતું. પરંતુ, લોકસભાની સામાન્ય ચૂંટણીમાં મતદાનનો આ મારો પ્રથમ અનુભવ હતો, અને આ અનુભવ મારા માટે ખાસ રહ્યો છે. મત આપ્યા બાદ દેશ અને લોકશાહી માટે કંઇક કર્યું હોવાની સતત અનુભૂતિ થઈ રહી છે,
તેવું ઉત્સાહભેર કહી તેમણે યુવા મતદાતાઓને મતદાન થકી વિશેષ લાગણી અનુભવવા અનુરોધ કર્યો છે.
Reporter: News Plus
