સંસ્કારી અને ઉત્સવ પ્રિય નગરી વડોદરા શહેર ના માંડવી સ્થિત ષષ્ઠપીઠ શ્રી કલ્યાણરાયજી હવેલી ખાતે ષષ્ઠપીઠાધિશ્ર્વર પ. પુ. ગોસ્વામી ૧૦૮ શ્રી દ્વારકેશલાલજી મહારાજશ્રી ની આજ્ઞાથી તેમજ યુવા વૈષ્ણવાચાર્ય પ. પુ. ગોસ્વામી ૧૦૮ શ્રી આશ્રયકુમારજી મહોદય શ્રી તથા પ. પુ. ગોસ્વામી ૧૦૮ શ્રી શરણમકુમારજી મહોદય શ્રી ની માર્ગદર્શનમાં તા. ૨૮ એપ્રિલ ના રોજ શ્રી કલ્યાણરાયજી પ્રભુના સુખાર્થે અતિ દિવ્ય અલૌકીક આમ્રોત્સવનો મનોરથ કરવામાં આવ્યો હતો.
જેમાં વિશ્વભરમાં પ્રસિદ્ધ એવા વડોદરાના નામાંકીત જગદીશ ફૂડસના પ.ભ. શ્રી નીતિનભાઈ ઠકકર, શ્રી મીતેશભાઈ ઠક્કર, શ્રી અશેષભાઈ ઠકકર ના પરિવાર ના મનોરથ સ્વરૂપે ૧૧ ટન જેટલી અલગ - અલગ કેરીઓ જેવી કે હાફૂસ, કેસર, બદામ, લંગડો ધરાવવામાં આવેલ હતી. જેના દર્શનાર્થે વડોદરા શહેર તથા જિલ્લાના સૌ વૈષ્ણવો મોટી સંખ્યામાં ઉપસ્થિત રહીને કૃતાર્થતા ની લાગણી અનુભવી હતી. મનોરથ દર્શન બાદ સૌ વૈષ્ણવોને ઠાકોરજી ના પ્રસાદ સ્વરૂપે મનોરથી પરિવાર તથા મંદિરના સ્વયં સેવકો દ્વારા સુંદર દર્શન વ્યવસ્થા સાથે સૌને કેરી તેમજ રસ નું વિતરણ કરવામાં આવ્યું હતું.
...
Reporter: News Plus
