વોશિંગટન : અમેરિકાના રાષ્ટ્રપતિ ડોનાલ્ડ ટ્રમ્પે અમેરિકન સંસદ (કોંગ્રેસ) ના સંયુક્ત સત્રને સંબોધિત કરવાનું શરૂ કર્યું છે. પોતાના પહેલા ભાષણમાં તેમણે કહ્યું કે અમેરિકાનો સુવર્ણ યુગ પાછો આવ્યો છે. 

ઘણી સરકારો વર્ષોથી જે કરી શકી નથી તે અમે 43 દિવસમાં કરી બતાવ્યું, આ તો માત્ર શરૂઆત છે.ટ્રમ્પે કહ્યું, "મેં પદ સંભાળતાની સાથે જ બધી ફેડરલ ભરતી, નવી ફેડરલ નીતિઓ અને વિદેશી સહાય તાત્કાલિક બંધ કરી દીધી." મેં 'મૂર્ખામીભર્યો ગ્રીન ન્યૂ સ્કેમ'નો અંત લાવ્યો, અને અમેરિકાને 'નકામા' પેરિસ ક્લાયમેટ એગ્રીમેન્ટ, 'ભ્રષ્ટ' વિશ્વ આરોગ્ય સંગઠન (WHO) અને 'અમેરિકન વિરોધી' યુએન માનવ અધિકાર પંચમાંથી બહાર કાઢ્યું.ટ્રમ્પે કહ્યું, 'મેં જો બાઇડેનની પર્યાવરણીય નીતિઓનો અંત લાવ્યો, જે દેશની સુરક્ષા ઘટાડી રહી હતી અને ફુગાવો વધારી રહી હતી.' સૌથી અગત્યનું, અમે પાછલી સરકારના 'પાગલ' ઇલેક્ટ્રિક વાહન (EV) નિયમો રદ કર્યા, જેનાથી અમારા ઓટો કામદારો અને કંપનીઓને આર્થિક વિનાશથી બચાવ્યા.ટ્રમ્પનું ભાષણ એવા સમયે થઈ રહ્યું છે જ્યારે યુએસ સરકાર રશિયા-યુક્રેન યુદ્ધ અને મધ્ય પૂર્વમાં સંઘર્ષને સમાપ્ત કરવા અને સંઘીય સરકારમાં ફેરફારો કરવા પર ધ્યાન કેન્દ્રિત કરી રહી છે. આ ભાષણમાં, ટ્રમ્પ ટેરિફ, ઇમિગ્રેશન સમસ્યા, વિશ્વના વિવિધ ભાગોમાં યુદ્ધો, USAID બંધ કરવા, મસ્કના DOGE વિભાગનું કામકાજ વગેરે જેવા મુદ્દાઓ પર બોલી શકે છે, જે હજુ સવાલોથી ઘેરાયેલું છેઅમેરિકન પ્રમુખ બન્યાના બીજા કાર્યકાળ બાદ આજે પહેલીવાર ટ્રમ્પ યુએસ કોંગ્રેસને સંબોધવા પહોંચી ગયા હતા.સંબોધન પહેલા જ તેમણે સોશિયલ મીડિયા પર પોસ્ટ કરીને આખી દુનિયામાં ચર્ચા જગાવી હતી કે મારા સંબંધોનમાં કંઇક મોટું થવાનું છે અને તેની થીમ ધ રિન્યૂઅલ ઓફ ધી અમેરિકન ડ્રીમ રહેવાની છે. 

એવી ચર્ચા છે કે તેઓ ટેરિફ વૉરથી માંડીને યુક્રેન સાથે મિનરલ ડીલ સહિત અનેક મહત્ત્વના મુદ્દાઓ પર મોટી જાહેરાત કરી શકે છે. ભારતીય સમય મુજબ, ટ્રમ્પનું આજે સવારે 7.30 વાગ્યે ભાષણ શરુ થયું હતું.વ્હાઇટ હાઉસે સત્તાવાર રીતે સ્પષ્ટતા કરી છે કે આ સંબોધનનો વિષય "અમેરિકન સ્વપ્નનું નવીકરણ" છે. તમને એ પણ જણાવી દઈએ કે ટ્રમ્પના આ ભાષણને 'સ્ટેટ ઓફ ધ યુનિયન' હેઠળ નહીં ગણવામાં આવે. કારણ કે આ ભાષણ સામાન્ય રીતે જાન્યુઆરી અથવા ફેબ્રુઆરીમાં અમેરિકન પ્રમુખ દ્વારા આપવામાં આવે છે. ઉદાહરણ તરીકે આ ટ્રમ્પ દ્વારા કોંગ્રેસમાં આપવામાં આવેલું સામાન્ય ભાષણ હશે.અમેરિકન કોંગ્રેસ એ અમેરિકાની સંઘીય સરકારની કાયદાકીય શાખા છે. જો આપણે સરળ ભાષામાં કહીએ તો ત્યાંની સંસદને અમેરિકન કોંગ્રેસ કહેવામાં આવે છે. ભારતીય સંસદની જેમ, તેમાં પણ બે ગૃહો છે. નીચલા ગૃહને યુએસ હાઉસ ઓફ રિપ્રેઝન્ટેટિવ્સ કહેવામાં આવે છે અને ઉપલા ગૃહને યુએસ સેનેટ (ભારતમાં લોકસભા અને રાજ્યસભા) કહેવામાં આવે છે. તે વોશિંગ્ટન, ડી.સી.માં આવેલી છે. તેનું આયોજન યુનાઇટેડ સ્ટેટ્સ કેપિટોલ (અમેરિકાના સંસદ ભવન) માં થાય છે.  તેમણે કહ્યું, 'જો બાઇડન અમેરિકન ઇતિહાસના સૌથી ખરાબ રાષ્ટ્રપતિ રહ્યા છે.' તેમના કાર્યકાળ દરમિયાન દર મહિને લાખો ગેરકાયદેસર લોકો અમેરિકામાં પ્રવેશતા હતા. ડેમોક્રેટિક સાંસદો તરફ નજર કરતાં ટ્રમ્પે કહ્યું, 'મને ખબર છે કે હું અહીં ગમે તે કહું, તેઓ ખુશ નહીં થાય, ઊભા નહીં થાય, સ્મિત નહીં કરે, તાળીઓ નહીં પાડે.'ટ્રમ્પનું ભાષણ સાંભળવા માટે ડેમોક્રેટિક પાર્ટીના ઘણા નેતાઓ ગુલાબી રંગના કપડાં પહેરીને સંસદમાં પ્રવેશ કરી રહ્યા છે. ડેમોક્રેટિક મહિલા કોકસના અધ્યક્ષ ટેરેસા લેગર ફર્નાન્ડીઝે જણાવ્યું હતું કે ગુલાબી રંગ પહેરવાનો હેતુ ટ્રમ્પ વહીવટીતંત્રની નીતિઓ મહિલાઓ પર કેવી રીતે પ્રતિકૂળ અસર કરી રહી છે તે તરફ ધ્યાન દોરવાનો હતો.

Reporter: admin