જયપુર : દેશની રાજધાની દિલ્હીમાં IAS ની તૈયારી કરી રહેલા ત્રણ વિદ્યાર્થીઓના મોતની શાહી શુકાઈ નથી ત્યારે રાજસ્થાન ની રાજધાની જયપુરમાં પણ આવી જ એક ઘટનામાં ત્રણ લોકોના મોત થયા છે. જયપુરમાં જીવ ગુમાવનારાઓમાં એક ચાર વર્ષની બાળકી પણ સામેલ છે. મામલો વિશ્વકર્મા વિસ્તારનો છે. અહીં ભોંયરામાં પાણી ભરાવાને કારણે બે પુખ્ત સહિત ત્રણ લોકોના મોત થયા છે. રેસ્ક્યુ ઓપરેશન શરૂ થયાના સાત કલાક બાદ ત્રણેયના મૃતદેહ બહાર કાઢવામાં આવ્યા હતા. જયપુરમાં વરસાદને કારણે ભોંયરામાં પાણી ભરાઈ ગયા હતા. પીડિતો સમયસર ભોંયરામાંથી બહાર ન આવી શક્યા અને વરસાદના પાણીમાં ડૂબી જવાથી મૃત્યુ પામ્યા છે.
ચોમાસાની ગતિવિધિને કારણે, રાજસ્થાનમાં વરસાદી મોસમ ચાલુ છે, જ્યાં બુધવારે (31 જુલાઈ) કરૌલીમાં સૌથી વધુ વરસાદ પડ્યો હતો. હવામાન કેન્દ્ર મુજબ, બુધવારે સવારે 8.30 વાગ્યા સુધી છેલ્લા 24 કલાકમાં, પશ્ચિમ રાજસ્થાનમાં કેટલાક સ્થળોએ હળવાથી મધ્યમ વરસાદ અને પૂર્વી રાજસ્થાનમાં કેટલાક સ્થળોએ ભારે વરસાદ થયો હતો. આ સમયગાળા દરમિયાન કરૌલીમાં સૌથી વધુ 80 મીમી વરસાદ નોંધાયો હતો. પશ્ચિમ રાજસ્થાનના બાડમેરમાં ગદરા રોડ પર 32.5 મીમી વરસાદ નોંધાયો છે.
...
Reporter: admin
