વાઘોડિયા તાલુકાના પીપરીયાની એક સોસાયટીમાં મોડીરાત્રે ચડ્ડી-બનિયાનધારી ટોળકીએ આતંક મચાવ્યો હતો. સોસાયટીમાં અડધીરાત્રે ધુસી આવેલા ચડ્ડી-બનિયાનધારી ટોળકીએ ચોરીનો પ્રયાસ કરતા હાહાકાર મચી ગયો હતો.
સોસાયટીના સિક્યુરિટી કેમેરામાં લૂંટારૂ ટોળકીના સભ્યો કેદ થઈ ગયા હતા. આ બનાવ બાદ સોસાયટીના રહીશોમાં ભયનો માહોલ છે. પોલીસની નાઈટ પેટ્રોલિંગના ધજાગરા ઉડાડતી આ ઘટના બાદ લોકો રાત્રિ જાગરણ કરવા મજબૂર
બન્યા છે.
છેલ્લા કેટલાક દિવસોથી વડોદરા શહેર અને એની આસપાસના વિસ્તારોમાં ચડ્ડી-બનિયાનધારી ટોળકીનો આતંક વધ્યો છે. પોલીસની નિષ્ક્રિયતાને લીધે લૂંટારૂ ટોળકીના ઈરાદા વધુ મજબૂત બની રહ્યા છે.
અને ચડ્ડી-બનિયાનધારી ટોળકી હવે, સોસાયટી વિસ્તારોમાં ખુલ્લેઆમ ફરી રહી છે. થોડા દિવસ પહેલા વડોદરા શહેરની જ એક સોસાયટીમાં પ્રવેશેલી લૂંટારૂ ટોળકી આખેઆખી તિજોરી ઉંચકીને ભાગી છૂટી હતી. વારંવાર બનતી આવી ઘટનાઓને પગલે શહેરમાં દહેશત ફેલાઈ રહી છે.
Reporter: News Plus
