વડોદરા: 26મી જુલાઈ ના રોજ કેન્દ્રીય બજેટ 2024ના વિષય પર વડોદરા શહેરમાં ભાજપા મહાનગર દ્વારા પ્રેસ કોન્ફરન્સ નું આયોજન કરાયું હતું જેમાં આંધ્ર પ્રદેશ ભાજપના અધ્યક્ષ અને સાંસદ દગ્ગુબતી પુરંદેશ્વરી એ પત્રકાર પરિષદ સંબોધતા સાંસદ દગ્ગુબતી પુરંદેશ્વરીએ કેન્દ્રીય બજેટ 2024 ના મુખ્ય મુદ્દાઓ રજૂ કર્યા હતા.
કોંગ્રેસ પક્ષ ઉપર કટાક્ષ કરતાં તેમણે જણાવ્યું હતું કે કોંગ્રેસના કહેવા મુજબ ચૂંટણી ઢંઢેરોના એમના પાનાની કોપી પેસ્ટ કરવામાં આવી છે તે બાબત તેમણે ગૌરવ લેવું જોઈએ. પરંતુ તેમણે બજેટ પોલિટિક્સ રમ્યું છે.લોંગ ટર્મ કેપિટલ અંગે પૂછાયેલા સવાલમાં તેમણે જણાવ્યું હતું કે, લાંબા ગાળામાં રોકાયેલા રિયલ એસ્ટેટના વેચાણ ઉપર મળનારી સંપૂર્ણ નફાની રકમ પર ઉપર ટેક્સ લાગુ કરવા અંગે નાણાં મંત્રી નું ધ્યાન દોરવામા આવ્યું છે. તેઓ અ અંગે સમીક્ષા કરવાનું વિચારી રહ્યા છે.દગ્ગુબતી પુરંદેશ્વરીએ જણાવ્યું હતું કે, વર્તમાન વૈશ્વિક જીડીપી વૃદ્ધિ દર 3%ની તુલનામાં ભારતની 7.8%ની નોંધપાત્ર GDP વૃદ્ધિને પ્રકાશિત કરી. તેણીએ ભારપૂર્વક જણાવ્યું હતું કે વડા પ્રધાન નરેન્દ્ર મોદીના નેતૃત્વમાં ભારત વૈશ્વિક આર્થિક મંચ પર તારાની જેમ ચમકી રહ્યું છે. બજેટ અન્નદાતા (ખેડૂતો), ગરીબ, મહિલા અને યુવાઓના કૌશલ્ય વિકાસ પર ધ્યાન કેન્દ્રિત કરીને દરેક ભારતીયને સશક્ત બનાવવાની સરકારની અતૂટ પ્રતિબદ્ધતાને રેખાંકિત કરે છે.મહિલાઓની આગેવાની હેઠળનો વિકાસ - મહિલાઓ અને છોકરીઓને લાભ આપતા કાર્યક્રમો માટે ₹3 લાખ કરોડથી વધુરકમ ફાળવી છે.
રોજગાર,તાલીમ અને ઇન્ટર્નશીપ માટે રૂ. 2 લાખ કરોડના કાર્યક્રમો; આ પહેલથી 41 મિલિયન યુવાનોને ફાયદો થશે. મોટી કંપનીઓ”માં 1 કરોડ યુવાનો માટે 5,000 રૂપિયા પ્રતિ માસના પગાર સાથે ઇન્ટર્નશિપની તકો જાહેર કરવામાં આવી છે. પ્રધાનમંત્રી આવાસ યોજના-શહેરી 2.0 હેઠળ, કેન્દ્રીય નાણાપ્રધાન નિર્મલા સીતારમણે શહેરી ગરીબો અને મધ્યમ વર્ગની આવાસ જરૂરિયાતોને પહોંચી વળવા આગામી પાંચ વર્ષમાં ₹2.2 લાખ કરોડની કેન્દ્રીય સહાય સહિત ₹10 લાખ કરોડના રોકાણની જાહેરાત કરી હતી. ઘરો,કૃષિ અને સંલગ્ન ઉદ્યોગો માટે રૂ. 1.52 લાખ કરોડની ફાળવણી કરવામાં આવી છે. ખેડૂતો 109 નવી ઉચ્ચ ઉપજ આપતી અને આબોહવા-સહિષ્ણુ જાતોમાંથી 32 ખેતર અને બાગાયતી પાક ઉગાડી શકશે. બ્રાન્ડિંગ અને સર્ટિફિકેશનની મદદથી આગામી બે વર્ષમાં 10 લાખ ખેડૂતોને કુદરતી ખેતીથી પરિચિત કરાવવામાં આવશે. કેન્દ્રીય બજેટ 2024 એ સમૃદ્ધ અને સર્વસમાવેશક ભારતની બ્લુપ્રિન્ટ છે, જેમાં ‘નેક્સ્ટ જનરેશન રિફોર્મ્સ’ સાથે ભારત પ્રગતિના પંથે આગળ વધી રહ્યું છે.
Reporter: admin
