પાટણ: જિલ્લાના હારિજ તાલુકામાં એક ચોંકાવનારો બનાવ બન્યો છે. જેથી સમગ્ર પંથકમાં હડકંપ મચી ઉઠ્યો છે.
યુવક અને યુવતીની અહીંયા લાશ મળી આવી છે. જેથી આ મુદ્દો હાલ જિલ્લામાં ચર્ચાનું કેન્દ્ર બની ગયું છે. બંને લાશ મળી આવ્યા બાદ સ્થળ પર પણ મોટી સંખ્યામાં લોકોની ભીડ એકઠી થઈ ગઈ હતી. જોકે યુવક અને યુવતીની ઓળખ હજુ નથી થઈ શકી.ઘટનાની વિગતમુજબ, હારિજના કુરેજા ગામ પાસેથી પસાર થતી કેનાલમાંથી 2 મૃતદેહો મળી આવ્યા હતા. જેમાં યુવક અને યુવતીનો મૃતદેહ તરતી હાલતમાં મળી આવ્યા.
જ્યારે આસપાસના લોકોએ આ દૃશ્યો જોયા ત્યારે તેઓ ચોંકી ગયા હતા. જોકે પછી લોકોએ સ્થાનિક તરવૈયાઓને બંનેની લાશને બહાર કાઢવા માટે બોલાવ્યા હતા.સ્થાનિક તરવૈયાઓને ઘટનાની જાણ થતા જ તેઓ ત્યાં પહોંચ્યા હતા અને તેમણે યુવતી અને યુવકના મૃતદેહને બહાર કાઢ્યા હતા. દુપટ્ટાથી બાંધેલા હાલતમાં જ્યારે બંનેના મૃતદેહ મળી આવ્યા ત્યારે આસપાસના લોકો પણ બંનેને જોઈને ચોંકી ગયા હતા. જોકે ઘટનાની જાણ થતા જ પોલીસ પણ સ્થળ પર તુરંત પહોંચી હતી અને પોલીસે આ મામલે હવે કાયદેસરની કાર્યવાહી હાથ ધરી છે.
Reporter: admin
