કોલકાતા : આરજી કર મેડિકલ કોલેજ અને હોસ્પિટલના તાલીમાર્થી ડૉક્ટર પર રેપ અને હત્યાના આરોપી સંજય રોય પર કડકાઈ શરૂ થઈ ગઈ છે.
હવે સીબીઆઈએ આરોપીની બાઇક જપ્ત કરી લીધી છે. આ બાઇક પર સવાર થઈને આરોપી આરજી કર મેડિકલ કોલેજ પહોંચ્યો હતો. જેમાં હવે કોલકાતા રેપ મર્ડર કેસમાં ચોંકાવનારા ખુલાસા સામે આવ્યા છે. ઘટનાની રાત્રે આરોપી સંજય રોયે જે બાઇકનો ઉપયોગ કર્યો હતો તે કોલકાતા 'કમિશનર ઓફ પોલીસ'ના નામે નોંધાયેલી છે. સીબીઆઈએ બે દિવસ પહેલા આરોપીની બાઇક જપ્ત કરી હતી.
સીબીઆઈ જણાવ્યું હતું કે, આરોપી સંજય રોયની આ બાઈક વર્ષ 2024 મે મહિનામાં રજીસ્ટર કરવામાં આવી હતી. આરોપીએ પોલીસના નામે નોંધાયેલી બાઇક પર નશાની હાલતમાં ઘટનાની રાત્રે 15 કિલોમીટરનું અંતર કાપ્યું હતું. આ એ જ બાઇક છે જે સીબીઆઈ દ્વારા જપ્ત કરવામાં આવી છે. હવે આ પુરાવા સામે આવતા એવું લાગે છે કે આ કેસના મુખ્ય આરોપી સંજય રોય અને પોલીસ કોઈને કોઈ રીતે જોડાયેલા છે.
Reporter: admin
