ભારતીય જનતા પાર્ટીના વડોદરા લોકસભા બેઠકના શિક્ષિત અને યુવા ઉમેદવાર ડો. હેમાંગ જોષી તથા વિધાનસભા ના ઉમેદવાર ધર્મેન્દ્રસિંહ વાઘેલા નો પ્રચાર ફેરણી નો કેસરિયા માહોલ ગામડાઓમાં પણ છવાઈ ગયો છે.
ભાજપા ઉમેદવાર ડૉ. હેમાંગ જોશી તથા વિધાનસભા ના ઉમેદવાર ધર્મેન્દ્રસિંહ વાઘેલા ની પ્રચાર રેલીએ વાઘોડિયા વિસ્તારના ગામોમાં કેસરિયા માહોલ જમાવ્યું.આ ઉપરાંત બપોરે ૩ વાગ્યાથી વાઘોડિયા વિધાનસભા વિસ્તારમાં આવતા ગામોમાં ભાજપાના શિક્ષિત યુવા ઉમેદવાર ડૉ. હેમાંગ જોષી તથા વિધાનસભા ના ઉમેદવાર ધર્મેન્દ્રસિંહ વાઘેલાએ લોક સંપર્ક માટે વેમાલી ગામથી કેસરિયા રેલી સાથે પ્રચારનો શુભારંભ કર્યો હતો. જ્યાં ઉમેદવારોનું ગામના અગ્રણી આગેવાનોએ ઉમળકાભેર સ્વાગત કર્યું હતું ઉમેદવાર ડૉ. હેમાંગ જોષી સાથે વાઘોડિયા વિધાનસભા ચૂંટણીના ઉમેદવાર શ્રી ધર્મેન્દ્રસિંહ વાઘેલા સહિત જિલ્લા પ્રમુખ સતીશ નિશાળિયા જોડાયા હતા અને વેમાલી થી શરૂ થયેલી પ્રચાર ફેરણી દેના, વિરોદ, આસોજ, સિસવા અને અંતે દુમાડ ગામે પહોંચી હતી. તમામ ગામોમાં ભાજપમાં ઉમેદવારની નીકળેલી રેલીએ સર્વત્ર કેશરીયા માહોલનું આકર્ષણ જમાવ્યું હતું. આજે નીકળેલી રેલીમાં તમામ ગામોના અગ્રણી આગેવાનોએ ભાજપાના સમર્થનમાં કમળને સૌથી વધુ મતો માટે મતદાનના દિવસે અવિરત કાર્યરત રહેવા જણાવ્યું હતું.
Reporter: News Plus
