ધારાસભ્ય કહે મેં કામ કરાવ્યું ડેપ્યુટી મેયર કે મારા કહેવાથી કામ મંજૂર થયું.
વડોદરા શહેરના ગોરવા વિસ્તારમાં આવેલા દશામાં તળાવના બ્યુટીફિકેશન માટે રાજ્ય સરકારે મંજૂરી આપી છે મહાનગરપાલિકાના દ્વારા આ કામગીરી કરવામાં આવશે ત્યારે આ વિકાસના કામનો જશ ખાટવા માટે ધારાસભ્ય અને ડેપ્યુટી મેયર આમને સામને આવી ગયા છે.
વડોદરા શહેરના ગોરવા વિસ્તારમાં આવેલા દશામાં તળાવનું બ્યુટીફિકેશન કરવાનું કામ હાથ ધરવામાં આવ્યું છે આ તળાવમાં આસપાસના રહીશો દ્વારા દશામાની મૂર્તિનું વિસર્જન કરવામાં આવતું હતું અને તે ધાર્મિક મહત્વ ધરાવતું હતું તેના કારણે સ્થાનિક રહીશોની માગ હતી તે આ તળાવનું બ્યુટીફિકેશન કરવામાં આવે. આ અંગેની રજૂઆત સરકારમાં કરવામાં આવી હતી અને સરકાર દ્વારા આ કામને મંજૂરી આપી દેવામાં આવી છે હવે જ્યારે આ તળાવનું બ્યુટીફિકેશન કરવામાં આવશે ત્યારે ધારાસભ્ય કેયુર રોકડિયા અને ડેપ્યુટી મેયર ચિરાગ બારોટ વચ્ચે જશ ખાટવા માટે ખેંચતાં ચાલી રહી છે. ધારાસભ્ય કહે છે કે આ અંગેની રજૂઆત મેં સરકારમાં કરી હતી અને તેના કારણે આ કામને મંજૂરી મળી છે.
તો બીજી તરફ શહેર પ્રમુખ ડોક્ટર વિજય શાહના અંગત મનાતા ડેપ્યુટી મેયર ચિરાગ બારોટ પણ દાવો કરી રહ્યા છે કે આ અંગેની લેખિત રજૂઆત તેઓ દ્વારા કરવામાં આવી હતી 2023 માં જુલાઈ મહિનામાં તેઓએ રજૂઆત કરી હતી અને જેના આધારે આ કામને મંજૂરી મળી છે. હાલ તો વડોદરા શહેરમાં આ ખેંચતાં પહોંચી છે અને કેટલાક લોકોમાં ચર્ચાનો વિષય પણ બન્યો છે ખેર રજૂઆત ગમે તેને કરી હોય અને ગમે તેની રજૂઆત રંગ લાવી હોય આખરે કામ તો લોકોના વિકાસનું જ થઈ રહ્યું છે. ધારાસભ્ય તેમજ ડેપ્યુટી મહિયારે પણ લોકોના હિત માટે જ કામ થયું છે તેમ સમજીને તેને લોકો માટે અર્પણ કરવું જોઈએ પરંતુ કહેવાય છે ને કે તારી અને મારી તો આજીવન ચાલવાની છે તેવું જ ધારાસભ્ય કેયુર રોકડિયા અને ડેપ્યુટી મેયર વચ્ચે જણાઈ રહ્યું છે.
Reporter: News Plus
