વડોદરાના પૂર્વ ડેપ્યુટી મેયર અને કોંગ્રેસના નેતા ચિરાગ ઝવેરીનું વિદેશ પ્રવાસ દરમિયાન હાર્ટ એટેકના કારણે અવસાન થયું. ત્યારે હવે સ્વ.ચિરાગ ઝવેરીના પાર્થિવ દેહને અમેરિકાથી વડોદરા ખાતે લાવવામાં આવ્યો. અને હવે આજે સ્વ.ચિરાગ ઝવેરીના પરિજનો, મિત્ર વર્તુળ સહીત સમર્થકો અને રાજકીય અગ્રણીઓ તેમના અંતિમ દર્શન માટે પહોંચ્યા.

સ્વ.ચિરાગ ઝવેરીના પાર્થિવ દેહને અમેરિકાથી વડોદરા લાવીને બેન્કર્સ હોસ્પિટલના કોલ્ડ રૂમમાં મૂકવામાં આવ્યો હતો. સ્વ.ચિરાગ ઝવેરી મિત્રો સાથે ફરવા ગયા હતા.અને રાત્રે સૂતા બાદ સવારે તેઓ ઉઠ્યા જ ન હતા. ચિરાગ ઝવેરીનું વિદેશમાં નિધન થયું હોવાની જાણ થતાં તેમના સ્નેહીજનો અને સમર્થકોમાં શોકનો માહોલ છવાયો છે.કોંગ્રેસના દિગ્ગજ નેતા અને પૂર્વ કાઉન્સિલર ચિરાગ ઝવેરીના નિધનના સમાચાર વાયુવેગે પ્રસરતાં રાજકીય મોરચે ઘેરા શોકની લાગણી પ્રવર્તી ગઈ છે.  

થોડા દિવસો પહેલાં સ્વ.ચિરાગ ઝવેરી તેમના મિત્રો સાથે ફરવા માટે યુએસના પ્રવાસે ગયા હતા.જ્યાં નેધરલેન્ડ ફરી યુએસ પહોંચ્યા અને ત્યાં સાઉથ અમેરિકાના ટાપુ પર રોકાયા હતા. પરંતુ રાતે સૂઈ ગયા બાદ ચિરાગ ઝવેરી સવારે ઊઠ્યાં જ નહીં. હૃદય રોગના હુમલાના કારણે કોંગી નેતા ચિરાગ ઝવેરીનું નિધન થયું હતું.ચિરાગ ઝવેરીના અચાનક મોતના સમાચારથી પરિવારજનો શોકમાં ગરકાવ થઇ ગયા છે. સાથે જ રાજકીય માહોલ પણ ગમગીન બન્યો છે.

Reporter: admin