કાલે 25મી જુલાઇએ કોર્પોરેશનની સ્થાયી સમિતીની બેઠક મળશે જેમાં 7 કામોની દરખાસ્ત રજુ કરાઇ છે. ખાસ કરીને વોર્ડ નંબર 17 સુસેન સર્કલથી બરોડા ડેરી સર્કલ તરફ જતા ફોનિક્ષ ઇન્સ્ટીટ્યુટ પાસે સુસેન પંપીંગ સ્ટેશનમાં જતી મુખ્ય ડ્રેનેજ નળીકાના ભંગાણની કામગિરીની દરખાસ્ત કરાઇ છે 

તો ડ્રેનેજ પ્રેશરલાઇન રીપેરીંગ અને મેઇન્ટેનન્સના કામે કોન્ટ્રાક્ટર ભાવિન એન્ટરપ્રાઇઝને 27 ટકા વધુ રકમમાં 30 લાખમાં 10 લાખનો વધારો કરવાની દરખાસ્ત કરાઇ છે. આ ઉપરાંત કોર્પોરેશનના ફાયર બ્રિગેડના કર્મચારીઓ માટે યુનિફોર્મ ખરીદવા માટે દરખાસ્ત કરાઇ છે તો વિવિધ વોર્ડ શાખા માટે વાર્ષિક ઇજારાથી જરુરી ચુનાની ફાંક ખરીદવાની મંજૂર થયેલ ભાવપત્રકની બાકી રહેલા રકમ 33,45,000 રુપિયાની વધુ ખરીદી કરવાની અને કોન્ટ્રાક્ટરની મુદતમાં ત્રણ માસનો વધારો કરવાની દરખાસ્ત કરાઇ છે. 

વહિવટી વોર્ડ ઉત્તર ઝોન વોર્ડ નંબર 13 માટે પાણીની નળીકાની નિભાવણીનો નવો વાર્ષીક ઇજારો 25 લાખની નાણાંકિય મર્યાદામાં કરવાનો ઇજારો આપવાની દરખાસ્ત કરાઇ છે. ઉપરાંત શહેરના મુખ્ય રસ્તાઓ પર નવી સેન્ટ્રલ સાઇડ લાઇટીંગ કરવા તથા નિભાવણી માટે વાર્ષિક ઇજારાથી કેબલ ખરીદવાના કામને મંજૂર કરવાની દરખાસ્ત કરાઇ છે તો વોર્ડ નંબર 11માં પશાભાઇ પાર્કના ટીપી રસ્તે વરસાદી ગટર નાખવાના કામને મંજુર કરવાની પણ દરખાસ્ત કરાઇ છે.

Reporter: admin