અમેરિકાના લાસ વેગાસમાં કાચની જેમ ચમકતો મોનોલિથ જોયા બાદ લોકો આશ્ર્ચર્ય અનુભવી રહ્યા છે. આ રહસ્યમય મોનોલિથના દેખાવથી દરેકને આશ્ચર્ય થાય છે.
આ મોનોલિથ ક્યાંથી આવ્યું તે કોઈ જાણતું નથી. અગાઉ મોનોલિથ 4 વર્ષ પહેલા કોરોના દરમિયાન જોવા મળ્યો હતો. લાસ વેગાસ મેટ્રોપોલિટન પોલીસે સોશિયલ મીડિયા પર મોનોલિથ વિશે માહિતી આપી છે. સમાચાર સંસ્થાના અહેવાલ મુજબ આ મોનોલિથ લાસ વેગાસ શહેરથી લગભગ એક કલાક દૂર નેવાડાના રણમાં મળી આવ્યો હતો. લાસ વેગાસ પોલીસ વિભાગે X પર તેની તસવીરો પોસ્ટ કરી છે. પોલીસે લખ્યું છે કે રહસ્યમય મોનોલિથ અમે ઘણી વિચિત્ર વસ્તુઓ જોઇ છે, જેમ કે, જ્યારે લોકો હવામાન વિશે જાણ્યા વિના હાઇકિંગ પર જાય છે અને તેમની સાથે પૂરતું પાણી લાવતા નથી. પરંતુ આ તેના કરતા પણ વધુ વિચિત્ર છે, મેં આવું ક્યારેય જોયું નથી તમારે પણ જોવું જોઈએ.
સપ્તાહના અંતે એલવી સર્ચ એન્ડ રેસ્ક્યૂ સંસ્થાએ મોનોલિથને ગેસ પીક પર જોયો.મોનોલિથ ક્યાંથી આવ્યો તેની કોઈને ખબર નથી આ અજીબોગરીબ મોનોલિથ લાસ વેગાસ કેવી રીતે પહોંચ્યો તે આજ સુધી કોઈને ખબર નથી. ડિસેમ્બર 2020 માં, કોરોના દરમિયાન, ફ્રેમોન્ટ સ્ટ્રીટ કેનોપીની નીચે એક મોનોલિથ દેખાતું હતું. તેનું રહસ્ય ઉટાહમાં શરૂ થયું, જ્યારે રણમાં રહસ્યમય સ્થંભ જોવા મળ્યા અને 2020માં તે કેલિફોર્નિયામાં પણ જોવા મળ્યો. તાજેતરના વર્ષોમાં, મોનોલિથ સમગ્ર વિશ્વમાં એક રહસ્યમય ઘટના તરીકે દેખાઈ રહી છે.નિષ્ણાતોએ રણમાં મળેલી વિચિત્ર 12-ફૂટ-ઉંચી વસ્તુને મોનોલિથ તરીકે લેબલ કરવા માટે ઉટાહ સરકારના અધિકારીઓની નિંદા કરી છે કારણ કે તે પથ્થરની નહીં પણ ધાતુની બનેલી હોવાનું જણાય છે. મેરિયમ વેબસ્ટરનો શબ્દકોશ મોનોલિથને વિશાળ માળખા તરીકે વર્ણવે છે.
Reporter: News Plus
