દુબઇ : હાલમાં કોઈ કારણસર સલમાન ખાન દુબઈ પહોંચ્યો હતો અને ત્યાં તે એક મોલમાં પહોંચ્યો હતો. ફેન્સે સલમાન ખાનને જોવા માટે ભીડ કરી દીધી હતી. સલમાનને જોવા માટે ચાહકોની ભીડ એટલી બધી વધી ગઈ હતી કે આખરે સિક્યોરિટીએ વચ્ચે પડવું પડ્યું હતું.  તેમણે જ ભાઈજાનને મોલમાંથી સુરક્ષિત રીતે બહાર નીકળવામાં મદદ કરી હતી. ફેન્સ પણ પોતાના મનગમતા સ્ટારની એક ઝલક જોઈને એકદમ રાજીના રેડ થઈ ગયા હતા.

હર હંમેશની જેમ જ સલમાન એકદમ હેન્ડસમ અને ચાર્મિંગ લાગી રહ્યો હતો. સલમાનના ફેન્સ માત્ર ભારત કે દુબઈમાં જ નહીં પણ દુનિયાભરમાં છે. વાત કરીએ સલમાનના વર્ક ફ્રન્ટની તો સલમાન આવતા વર્ષે સાજિદ નડિયાદવાલાની ફિલ્મ સિકંદરમાં જોવા મળશે. આ ફિલ્મ 2025માં ઈદ પર રીલિઝ થવા જઈ રહી છે.

બોલીવૂડના ભાઈજાન એટલે સલમાન ખાનની ફેન ફોલોઈંગ એકદમ તગડી છે. ભાઈજાન જ્યાં પણ જાય ત્યાં તેમની એક ઝલક જોવા માટે ફેન્સની ભીડ એકઠી થઈ જાય છે. હાલમાં જ સલમાન ખાન દુબઈના એક મોલમાં ફરતો જોવા મળ્યો હતો.

Reporter: admin