શહેરના વારસિયા રીંગ રોડ પર આવેલ કલાવતી હોસ્પિટલની સામે આવેલ ખાનગી માલિકીના પ્લોટ ઉપર ભારે ગંદકી કરવામાં આવે છે. 

આ પ્લોટમાં જ કેટલાક લોકો દ્વારા બાંધકામને લગતું નકામું મટીરીયલ ફેંકીને દબાણ કરવામાં આવી રહ્યું છે જેના કારણે પ્લોટમાં ભારે ગંદકી જોવા મળી રહી છે..પારાવાર ગંદકીને પગલે આસપાસની સોસાયટીના રહીશોને ભારે મુશ્કેલી પડી રહી છે. આ ખાનગી માલિકીના પ્લોટની આસપાસ આવેલ અન્ય સોસાયટીઓ જેવી કે આશીર્વાદ પાર્ક, સત્તર તાલુકા સોસાયટી ,દયાલબાગ નગર અને શાહીબાગ નગરના સ્થાનિક રહીશો દ્વારા અનેક વાર ગંદકીના મામલે પાલિકાના વોર્ડ ઓફિસર અને પાલિકાની વડી કચેરીએ રજુઆત કરવામાં આવી છે. 

અનેકવાર કરવામાં આવેલ રજુઆત બાદ પણ  પાલિકા દ્વારા આ બાબતે નક્કર કામગીરી કરવામાં આવી નથી જેના કારણે સ્થાનિક રહીશો ખાનગી પ્લોટ ખાતે ભેગા થયા હતા અને સૂત્રોચાર કરીને મીડિયાના માધ્યમથી પાલિકાના વહીવટી તંત્ર સુધી પોતાની રજૂઆત પહોંચાડી હતી..

Reporter: News Plus