શહેર પીસીબીએ બકરા બારી વિસ્તારમાં બાતમીના આધારે દરોડો પાડીને વિદેશી શરાબ નો જથ્થો ઝડપી પાડ્યો હતો.
શહેરમાં છેલ્લા કેટલાય સમયથી વિદેશી શરાબના વેપલા ઉપર પોલીસે લાલ આંખ કરીને વિવિધ વિસ્તારોમાં દરોડા પાડીને લાખો રૂપિયા ની કિંમત નો વિદેશી શરાબ નો જથ્થો ઝડપવામાં સફળતા મેળવી છે. શહેરની ગુના નિવારણ શાખાના પીઆઈ ટંડેલ ને બાતમી મળી હતી કે બકરાવાડી વિસ્તારમાં દારૂ ભરેલી બોલેરો પીકપ વાન આવવાની છે. બાતમીના આધારે pcb ની ટીમના કર્મીઓ દ્વારા વોચ રાખવામાં આવી હતી જેમાં બકરાવાડી ખાતે શંકાસ્પદ બોલેરો પીકપને અટકાવીને તપાસ કરતા તેમાંથી એક મોપેડ સહિત સાડા ત્રણ લાખનો વિદેશી શરાબનો જથ્થો મળી આવ્યો હતો.
આ બોલેરો પીકઅપની સાથે સાથે મહેન્દ્રા કંપનીની એસયુવી કાર પણ પોલીસે જપ્ત કરી હતી. વિદેશી દારૂનો જથ્થો ભરીને આવનાર બોલેરો પીકપનું પાલોટીંગ કરનાર અન્ય એક એકટીવાની પણ પોલીસે મુદ્દા માલમાં જપ્તી કરી છે. આમ કુલ મળીને વિદેશી શરાબની સાથે બે મોપેડ અને બે મોટા વાહનો એમ કુલ 14 લાખનો મુદ્દામાલ પીસીબીએ કબજે કર્યો છે. હાલ પીસીબી દ્વારા આ દારૂનો જથ્થો ક્યાંથી લાવવામાં આવ્યો હતો અને કોને મોકલ્યો હતો તે અંગેની તપાસ હાથ ધરવામાં આવી છે
Reporter:
