વડોદરા મહાનગરપાલિકાની સ્થાયી સમિતિની બેઠક આગામી 19 એપ્રિલે શનિવારે મળવાની છે. આ બેઠકમાં 12 કામોની દરખાસ્ત કરવામાં આવી છે 

જેમાં ડ્રેનેજ અને વરસાદી ગટર પ્રોજેક્ટ શાખાની બે દરખાસ્ત તથા ડ્રેનેજ પ્રોજેક્ટ શાખાની 3 દરખાસ્ત તથા પાણી પુરવઠા પ્રોજેક્ટ શાખાની2 દરખાસ્ત અને પાણી પુરવઠા વિતરણ શાખાની એક દરખાસ્ત અને ટુરીસ્ટ શાખાની 1 દરખાસ્ત, રોજ પ્રોજેક્ટ શાખાની 1 દરખાસ્ત, પાર્કસ એન્ડ ગાર્ડન શાખાની એક દરખાસ્ત અને સયાજીબાગ ઝુ શાખાની 1 દરખાસ્તનો સમાવેશ થાય છે. તમામ દરખાસ્તોમાં ઉંચા ભાવની દરખાસ્તોનો સમાવેશ થાય છે.  મહત્વના કામોમાં ડ્રેનેજ પ્રોજેક્ટ શાખાના 2 કામોમાં રાજકમલ બિલ્ડર્સ ઇન્ફ્રાસ્ટ્રકચર્સને તથા ભાવિન એન્ટરપ્રાઇઝને ઉંચા ભાવે કામો પધરાવી દેવાયા છે. 

વોર્ડ નંબર 16માં ડભોઇ રોડ મહાનગર નાળા બીએસયુપી આવાસોથી ભરતવાડી ચાર રસ્તાથી પટેલ એસ્ટેટથી ગાજરાવાડી ટાંકી સુધી મેન્યુઅલ પુશીંગ પદ્ધતિથી ડ્રેનેજ લાઇન નાખવાના કામે રાજમકલ બિલ્ડર્સ ઇન્ફ્રાસ્ટ્રકચર્સને 1214662882 રુપિયાના 11 ટકા વધુ ભાવે કામ આપવાની દરખાસ્ત કરાઇ છે તો રાજકમલ બિલ્ડર્સને જ ગાજરાવાડી ખાતે 130 એમએલડી ક્ષમતાનો એસટીપી એમપીએસ બનાવાની તથા સંલગ્ન કામગિરી માટે  14.31 ટકા વધુ ભાવના 2457940326 રુપિયાના કામંની દરખાસ્ત કરાઇ છે. આ સાથે માંજલપુર અર્બન હેલ્થ સેન્ટર સામે ગજાનન ડુપ્લેક્ષથી માંજલપુર ગામ તવાના રસ્તે ડ્રેનેજ ગ્રેવિટી લાઇન નાખવા ભાવિન એન્ટ્રપ્રાઇઝને 12 ટકા વધુ ભાવે 10105611 રુપિયાના કામની દરખાસ્ત કરાઇ છે. સાથે આજવા સરોવરમાં વોક વે અને પોન્ટુન સ્ટ્રક્ચરને રીંપેરીંગ કરવાના કામે એક્વા મશીનરીને 21000000ના 14.28 ટકાના ભાવના કામને મંજૂરી આપવાની દરખાસ્ત કરાઇ છે.

Reporter: admin