વડોદરા :છેલ્લા ઘણા સમયથી જુદા જુદા ગુનાઓ આચરી અનેક ગુનાઓમાં સંડોવાયેલા હોય અને આ ગેંગના ગુના આચરતી ટોળકીના સાગરીતો વિરૂધ્ધમાં ગુનાઓ દાખલ કરવામાં આવ્યાં છે.

શહેરમાં અસલમ ઉર્ફે બોડીયા હૈદરમીંયા શેખ તેના સાગરીતો સાથે મળી બિચ્છુ ગેંગ બનાવી ઓરગેનાઇઝ્ડ ક્રાઇમને અંજામ આપતા હતા. બિચ્છુ ગેંગ દ્વારા શહેરમાં ધાક જમાવી બળજબરી જમીન, મકાન મિલકત પચાવી પાડવા તેમજ ધાક ધમકીથી રૂપિયા પડાવી લેવા સહિત હત્યા, હત્યાના કોશિષ, અપહરણ, લુંટ, ધાડ, છેતરપીંડી, વિશ્વાઘાત જવા ગંભીર પ્રકારના ગુનાઓને અંજામ આપતા હતા. છેલ્લા 10 વર્ષમાં બિચ્છુ ગેંગ દ્વારા ગુનાઓને અંજામ આપવાનુ ચાલુ રહેતા, વડોદરા ક્રાઇમ બ્રાન્ચ દ્વારા આ ગેંગના અસલમ બોડીયા અને મુન્ના તરબૂચ સહિત અન્ય સાગરીતો સામે ગુજરાત આંતકવાદ અને સંગઠિત ગુના નિયંત્રણ અધિનિય, 2015 (GCTOC) હેઠળ ગુના નોંધવામાં આવ્યો હતો. વડોદરા ક્રાઇમ બ્રાન્ચ દ્વારા બિચ્છુ ગેંગના માથાભારે અસલમ ઉર્ફે બોડીયો હૈદરમયા શેખ અને મહમદહુસૈન ઉર્ફે મુન્નો ઉર્ફે તરબુચ જાકીર હુસૈન શેખ સહિત કૂલ 26 આરોપીઓની ધરપકડ કરી હતી અને હાલ અસલમ બોડીયો જેલવાસ ભોગવી રહ્યો છે.ગુજસીટોકના કાયદા હેઠળ પોલીસ દ્વારા ઉપરોક્ત બન્ને ગુનેગારોએ ગુનાઓને અંજામ આપી વસાવેલી મિલકતો અંગે તપાસ કરતા અસલમ બોડીયા અને મુન્ના તરબૂચની ગેરકાયદે વસાવેલી રૂપિયા બે કરોડ ઉપરાંતની મિલકતો ટાંચમાં લેવામાં આવી છે.

મુન્ના તરબૂચની રૂ. 1,32,84,711ની મિલકતો ટાંચમાં લેવાઇ:
1) ડભોઇ રોડ કુંઢેલા ગામ પાસે દિવાળીપુરા ખાતેનું ફાર્મ હાઉસ જેની કિંમત રૂ. 33,27,000
2) ડભોઇ રોડ કુંઢેલા ગામ પાસે દિવાળીપુરા ખાતે રો-હાઉસમાં 32 મકાનો જેની કિંમત રૂ. 92,57,711
3) ઇનોવા કાર જેની કિંમત રૂ. 7,00,000.
અસલમ બોડીયાની રૂ. 69,88,725 ની મિલકતો ટાંચમાં લેવાઇ:
1) તાંદલજા તહુરા પાર્ક ખાતેનું બે માળનુ મકાન 
2) વાડી ખાતે તાહેરી બિલ્ડીંગના ગ્રાઉન્ડ ફ્લોક પર આવેલો ફ્લેટ રૂ. 22,98,200
3) જુદા જુદા વ્યક્તિઓના નામની મેળવેલી કુલ ચાર ઓટોરિક્ષા રૂ. 2,15,000

Reporter: admin