પ્રિયંકા ચોપરાના પતિ નિક જોનાસ અને તેના ભાઈઓ હાલમાં વર્લ્ડ ટૂર પર છે. તે અંતર્ગત દુનિયાભરમાં તેના કોન્સર્ટ યોજાઈ રહ્યા છે. 

આવી જ એક કોન્સર્ટ પ્રાગમાં નિક જોનાસના માથા પર લેસર લાઈટ જોવા મળી છે. આ એક લાઈટ છે જેનો ઉપયોગ બંદૂક વડે નિશાન બનાવવા માટે થાય છે. આ પછી નિકે સ્ટેજ છોડીને જતો રહે છે.સોશિયલ મીડિયા પર જોનાસ બ્રધર્સ એટલે કે નિક જોનાસ, કેવિન જોનાસ અને જો જોનાસના પ્રાગ કોન્સર્ટનો વીડિયો સોશિયલ મીડિયા પર વાયરલ થઈ રહ્યો છે. આમાં નિક જોનાસ પર લેસર બીમ દેખાય છે. આ પછી તે સ્ટેજ છોડતો જોવા મળે છે. તે સિક્યોરિટી ગાર્ડ્સને ઈશારો કરતો પણ જોઈ શકાય છે. જ્યારે આ બન્યું ત્યારે નિકના બે ભાઈ જો અને કેવિન પણ ત્યાં હાજર હતા.

હકીકતમાં એવું કહેવાય છે કે નિક પર જે લાઈટ હતી તે બંદૂકની હતી. પરંતુ નિકના એક પ્રશંસકના કહેવા પ્રમાણે, આવું બિલકુલ નથી. ત્યાં એક વ્યક્તિ હતો જેણે નિક પર લેસર બીમ ફાયર કર્યું હતું. આ પછી નિક ને શંકા ગઈ. તેણે સ્ટેજ છોડી દીધું. તેના બંને ભાઈઓ પણ ચાલ્યા ગયા. થોડા સમય માટે શો બંધ કરી દેવામાં આવ્યો હતો. પછી જે વ્યક્તિએ નિક પર લેસર બીમ માર્યો હતો તેને દર્શકોમાંથી દૂર કરવામાં આવ્યો અને શો ફરી શરૂ કરવામાં આવ્યો. શેર કરેલા વીડિયોના કેપ્શનમાં આ તમામ બાબતોનો ઉલ્લેખ કરવામાં આવ્યો છે. જો કે હજુ સુધી કોઈ સત્તાવાર માહિતી આવી નથી.

Reporter: admin