અષાઢી બીજના દિવસે એટલે કે, ૭મી જુલાઈના રોજ વડોદરામાં યોજાનારી ભગવાન જગન્નાથની રથયાત્રામાં કોઈ અનઈચ્છનિય બનાવ ન બને તે માટે શહેર પોલીસે આજે સંવેદનશીલ વિસ્તારોમાં ફૂટ પેટ્રોલિંગ કર્યું હતુ. પોલીસના ફુટ પેટ્રોલિંગની સાથેસાથે ભગવાન જગન્નાથની રથયાત્રાના રૂટ પર ઉભા થયેલા દબાણોનો સર્વે કરવા માટે વડોદરા કોર્પોરેશનના દબાણ શાખાના અધિકારી મંગેશ જયસ્વાલ પણ હાજર રહ્યા હતા.
મંગેશ જયસ્વાલે સંબંધિત અધિકારીઓને રથયાત્રાના રૂટ પર આવતા તમામ દબાણો હટાવવાના આદેશ કર્યા હતા. પોલીસે પણ રથયાત્રાના રૂટ પર આવતા તમામ સંવેદનશીલ વિસ્તારોમાં ક્યાં-ક્યાં પોલીસ પોઈન્ટો મુકવા તેની વિસ્તૃત ચર્ચા કરી હતી.
...
Reporter: News Plus
