ગોત્રી કુણાલ ચાર રસ્તા પાસે આવેલ એક જીમના લોકરમાંથી છ કારતુસ સાથે રિવોલ્વર મળી આવતા પોલીસે આર્મ્સ એક્ટ હેઠળ ગુનો નોંધી એક વ્યક્તિની અટકાયત કરી તપાસ હાથ ધરી છે.

મળતી માહિતી મુજબ ગોત્રી વિસ્તારમાં આવેલ જીમમાં પોલીસે દરોડો પાડી લોકરમાં રાખેલી છ કારતુંસ સાથે રિવોલ્વર કબજે કરીને રિવોલ્વર રાખનાર એક ટ્રાન્સપોર્ટર સામે ગુનો નોંધ્યો છે કુનાલ ચાર રસ્તા પાસે સિગ્નેટ પ્લાઝામાં ફ્લાઇટ ફીટ નામનું જીમ આવેલું છે અને આ જીમના એક લોકરમાં રિવોલ્વર સાથે કારતુસ રાખવામાં આવી છે એવી માહિતી લક્ષ્મીપુરા પોલીસ મથકના પી.આઈ ચૌધરીને મળી હતી .પોલીસે જિમના સંચાલક સતીષ પીલ્લેનો સંપર્ક કરીને લોકર ચેક કર્યું હતું 

જ્યાં આ લોકરનો ઉપયોગ કરતાં સુખવીન્દરસિંગ અવતારસિંગ પુરેવાલ રહેવાસી ટીપી 13 છાણી જકાતનાકાની પૂછપરછ કરતાં તેને આ રિવોલ્વર ત્રણ વર્ષ પહેલાં ગોલ્ડન ચોકડી ખાતેથી એક શીખ વ્યક્તિ પાસેથી આઠ હજારમાં ખરીદી હોવાનું કબુલ્યું હતું. પોલીસે વગર પરવાને રિવોલ્વર અને કારતુસ રાખનાર સુખવિન્દરસિંગ વિરુદ્ધ આર્મ્સ એક્ટ હેઠળ ગુનો નોંધીને વધુ તપાસ હાથ ધરી છે.

Reporter: admin