વડોદરા: ભારતીય ટીમના વાઈસ કેપ્ટન અને વડોદરાના પનોતા પુત્ર હાર્દિક પંડ્યાના સન્માનમાં આજે વિક્ટરી રોડ શો યોજાઈ હતો. 

આ રોડ શોમાં હાર્દિક પંડ્યાની સાથે તેનો પરિવાર પણ જોડાયો હતો. શહેરના હાર્દસમાન વિસ્તાર માંડવી ખાતેથી હાર્દિક પંડ્યાનો રોડ શો શરૂ થયો હતો અને રાવપુરા રોડ ઉપરથી પસાર થઈ નવલખી મેદાન ખાતે રોડ શો પૂર્ણ થયો હતો. વડોદરાના યુવાનો માટે આઇકોન બની ગયેલો હાર્દિક પંડ્યાનું અભિવાદન કરવા માટે હજારો યુવાનો તિરંગા સાથે રોડ શોમાં ઉમટી પડ્યા હતા.

સોશિયલ મીડિયા પર પણ હાર્દિક પંડ્યાએ એનો વીડિયો શેર કરીને વડોદરાવાસીઓનો આભાર વ્યક્ત કર્યો હતો. એની સાથે હાર્દિક પંડ્યાએ બેહાથ જોડીને રેડ કલરના હાર્ટનું ઈમોજી મૂક્યું હતું. બ્લુ કલરની ટી શર્ટમાં સજ્જ હાર્દિક પંડ્યાએ તિંરગો લહેરાવીને સૌનું અભિવાદન કર્યું હતું. હાર્દિકના સન્માનના રોડ શોમાં હકડેઠઠ ભીડ જોવા મળી હતી, જ્યારે તેનો વીડિયો પણ સોશિયલ મીડિયા પર જોરદાર વાઈરલ થયો હતો.

Reporter: admin