રથયાત્રા પહેલા વડોદરા ગ્રામ્ય SOG પોલીસે દેશી હાથ બનાવટની રિવોલ્વર તથા માઉઝર પિસ્તોલ સાથે એક ઈસમને ઝડપી પાડ્યો હતો.
આગામી રવિવાર ના રોજ રથયાત્રા છૅ તેને લઇ પોલીસ એક્શનમાં છૅ.રથયાત્રા પહેલા વડોદરા શહેરના વડુ પોલીસ મથક વિસ્તારમાંથી વડોદરા ગ્રામ્ય એસ.ઓ.જી. ટીમે બાતમી આધારે પાદરા તાલુકાના વડુ, સીંધા ફળીયા ખાતે રેડ કરી એક આરોપીને દેશી હાથ બનાવટની રિવોલ્વર તથા માઉઝર પિસ્તોલ સાથે ઝડપી પાડ્યો. જયારે અન્ય એક આરોપીની ધરપકડ કરવા પોલીસે ચક્રો ગતિમાન કર્યા.પાદરા તાલુકાના વડુ, સીંધા ફળીયા ખાતે રહેતા 45 વર્ષીય ફિરોજ હુસેનભાઇ સીંધા પાસેથી દેશી હાથ બનાવટની રિવોલ્વર તથા માઉઝર પિસ્તોલ મળી કુલ હથીયાર (અગ્નિશસ્ત્ર) નંગ-૦૨ સાથે પકડી પાડી કૂલ ૦૨ આરોપીઓ વિરૂધ્ધમાં વડુ પોલીસ સ્ટેશન ખાતે આર્મસ એકટ કલમ ૨૫(૧-બી)(એ) મુજબનો ગુનો નોંધી કાયદેસર કાર્યવાહી હાથ ધરી.
પોલીસે દેશી હાથ બનાવટની રિવોલ્વર(અગ્નીશસ્ત્ર) કિ.રૂ ૨૫,૦૦૦/- અને માઉઝર પીસ્તોલ (અગ્નીશસ્ત્ર) કિ.રૂ.૧૫,૦૦૦/- એમ મળી કુલ કુલ કિ.રૂ.૪૦,૦૦૦/-નો મુદ્દા માલ જપ્ત કર્યો. પોલીસ તપાસમાં આરોપી દસ વર્ષ અગાઉ એક્સીડન્ટમાં શારીરિક રીતે પગથી અશક્ત થયેલ હોય જેથી કોઇ માથાકુટ થાય તો પોતાના અંગત ફાયદા સારૂ અગ્નીશસ્ત્ર ઉપયોગમાં લેવા સારૂ છુપાવી રાખ્યું હોવાનો માહિતી મળી છૅ.
Reporter: News Plus
